ସିଲଭର ସିଟିରେ ଗର୍ଜିଲା ପୋଲିସ ବନ୍ଧୁକ, ଦୁର୍ଦାନ୍ତ ଅପରାଧୀ ଶେଖ ବାବୁକୁ ଏନକାଉଣ୍ଟର

କଟକ: ସିଲଭର ସିଟିରେ ଗର୍ଜିଛି ପୋଲିସ ବନ୍ଧୁକ । ଦରଘା ବଜାର ଅଞ୍ଚଳର ଦୁର୍ଦାନ୍ତ ଅପରାଧୀ ଶେଖ ବାବୁ କୁ ଏନକାଉଣ୍ଟର କରିଛି ସ୍ପେଶାଲ ସ୍କ୍ୱାଡ ଓ ଦରଘା ବଜାର ପୋଲିସ । ସୂଚନା ମୁତାବକ ଏନକାଉଣ୍ଟରରେ ବାବୁର ବାମ ଗୋଡ଼ ତଳକୁ ଗୁଳି ବାଜିଛି।

ଆହତ ଅବସ୍ଥାରେ ତାକୁ ଏସସିବି କାଜୁଆଲଟିରେ ଭର୍ତ୍ତି କରାଯାଇଛି। ଦୁର୍ଦାନ୍ତ ଅପରାଧୀ ଶେଖ ବାବୁର ନାଁରେ ପ୍ରାୟ 21ଟି ଅପରାଧିକ ମାମଲା ରହିଛି। ଏହି ଘଟଣାରେ ଦରଘା ବଜାର ଆଇଆଇସି ପ୍ରଦୀପ ଜେନା ଆହତ ହେବା ସହିତ ସ୍ପେଶାଲ ସ୍କ୍ୱାଡର 2 ଜଣ ପୋଲିସ କର୍ମଚାରୀ ଆହତ ହୋଇଛନ୍ତି।

ସ୍ପେଶାଲ ସ୍କୱାଡର ଦୁଇ ସଦସ୍ୟ ତୋଫାନ ଦାସ ଓ ଜକେଶ ବେହେରା ଆହତ
ହୋଇଛନ୍ତି । ଆଜି ବାବୁକୁ ଦ୍ୱିତୀୟ ଥର ଅନକାଉଣ୍ଟର କରାଯାଇଛି । ପୂର୍ବରୁ ମଙ୍ଗଳାବାଗ ଅଂଚଳରେ ଏନକାଉଣ୍ଟର କରାଯାଇଥିଲା ।