ପତ୍ନୀକୁ ହତ୍ୟା ପରେ ସ୍ୱାମୀର ଆତ୍ମହତ୍ୟା ଉଦ୍ୟମ

କଟକ : କଟକରେ ଚାଞ୍ଚଲ୍ୟ । ସିଧେଶ୍ୱର ସାହିରେ ପତ୍ନୀକୁ ହତ୍ୟା ପରେ ସ୍ୱାମୀର ଆତ୍ମହତ୍ଯା ଉଦ୍ଯମ । ପାରିବାରିକ କଳହରୁ ଏହି ହତ୍ୟାକାଣ୍ଡ ଘଟିଥିବା ସନ୍ଦେହ କରାଯାଉଛି । ଗୁରତର ସ୍ବାମୀଙ୍କୁ ଏସସିବି ମେଡିକାଲ କାଜୁଏଲଟିରେ ଭର୍ତ୍ତି କରାଯାଇଛି । ହତ୍ୟାକାଣ୍ଡର ଶିକାର ମହିଳା ହେଲେ ବିଷ୍ଣୁ ପ୍ରିୟା । ସେ ସାଇବର ଥାନାରେ ପୋଲିସ ସିଗନାଲରେ କନଷ୍ଟେବଳ ଭରେ କାମ କରନ୍ତି । ତାଙ୍କ ସ୍ୱାମୀ ବିଶ୍ୱଜିତ ମଲ୍ଲିକ ବ୍ୟବସାୟ କରନ୍ତି । ଉଭୟେ ୨୦୧୯ ରେ ପ୍ରେମ ବିବାହ କରିଥିଲେ । ଦମ୍ପତିଙ୍କ ୫ ବର୍ଷର ଝିଅ ଟିଏ ଅଛି । ତେବେ ଦୁହିଁଙ୍କ ମଧ୍ୟରେ ସମ୍ପର୍କ ଭଲ ନଥିଲା ବୋଲି କହିଛନ୍ତି ପଡୋଶୀ । ଏପରିକି ବିଷ୍ଣୁ ପ୍ରିୟା ବିଶ୍ୱଜିତ ସହିତ ରହିବେ ନାହିଁ ବୋଲି କହି ଦେଇଥିଲେ । ତେବେ ଆଜି ବିଶ୍ୱଜିତ ହଠାତ୍ ଆସି ଝଗଡା କରିବା ସହିତ ତାଙ୍କ ବେକ କାଟି ଦେଇଥିଲେ । ତା ପରେ ନିଜେ ନିଜର ବେକ କାଟି ଦେଇଥିଲେ । ତାଙ୍କୁ ଗୁରୁତର ଅବସ୍ଥାରେ ଏସସିବିରେ ଭର୍ତ୍ତି କରାଯାଇଥିବାବେଳେ ଘଟଣାର ତଦନ୍ତ କରୁଛି ପୋଲିସ୍ ।