କଟକରେ ହକର୍ଙ୍କୁ ପରିଚୟ ପତ୍ର ପ୍ରଦାନ କରିବେ ମାନସ ମଙ୍ଗରାଜ
କଟକ: ଆଜି ହକରଙ୍କୁ ମିଳିବ ନୂଆ ପରିଚୟ । ହକରଙ୍କୁ ସେମାନଙ୍କ ହକ୍ ଦେବା ପାଇଁ ଆଗେଇ ଆସିଛନ୍ତି ରାଜ୍ୟ ସରକାର । ଆଜି କଟକ ସହିଦ ଭବନରେ ଆୟୋଜିତ କାର୍ଯ୍ୟକ୍ରମରେ ୧୦୦ ଜଣ ହକରଙ୍କୁ ମିଳିବ ପରିଚୟ ପତ୍ର । ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ମୁଖ୍ୟ ଅତିଥି ଭାବେ ଯୋଗ ଦେଇ ପରିଚୟ ପତ୍ର ବଣ୍ଟନ କରିବେ ।
ସୂଚନା ଓ ଲୋକସମ୍ପର୍କ ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ, ସିଏମସି କମିସନର ଅନନ୍ୟା ଦାଶ ଓ କଟକ ଏଡିଏମଓ ବିଜୟ ଖଣ୍ଡାୟତ ରାୟ ଏହି ଅତିଥି ଭାବେ ଯୋଗ ଦେବେ । ଜିଲ୍ଲାପାଳ ଭବାନୀଶଙ୍କର ଚୟନୀଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ୧୦୦ ଜଣ ହକରଙ୍କୁ ପରିଚୟ ପତ୍ର ପ୍ରଦାନ କରାଯିବ । ଜିଲ୍ଲାରେ ମୋଟ ୮୨୨ ହକରଙ୍କୁ ମିଳିବ ପରିଚୟ ପତ୍ର ।
ଏହା ପୂର୍ବରୁ ଖୋର୍ଦ୍ଧାରେ ଖବରକାଗଜ ହକରଙ୍କୁ ପରିଚୟପତ୍ର ବଣ୍ଟନ କରାଯାଇଥିଲା । ରାଜ୍ୟ ସରକାରଙ୍କ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜ ଏହି ପରିଚୟପତ୍ର ବଣ୍ଟନ କରିଥିଲେ । କାର୍ଯ୍ୟକ୍ରମରେ ବିଧାୟକ ଜ୍ୟୋତିରୀନ୍ଦ୍ର ନାଥ ମିତ୍ର, ସୂଚନା ଓ ଲୋକସଂପର୍କ ବିଭାଗ ସଚିବ ବିଷ୍ଣୁପଦ ସେଠୀ ପ୍ରମୁଖ ଯୋଗ ଦେଇଥିଲେ । ରାଜ୍ୟର ୭ ହଜାର ୩୦୦ ଖବରକାଗଜ ହକରଙ୍କୁ ପରିଚୟପତ୍ର ବଣ୍ଟନ କରାଯିବ । ଅନ୍ୟପକ୍ଷରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୂର୍ବରୁ ହକର୍ଙ୍କ ପାଇଁ ଆର୍ଥିକ ସହାୟତା ଘୋଷଣା କରିଛନ୍ତି ।
ଏଥିସହିତ ପଢ଼ନ୍ତୁ: ୭୩୦୦ ପଞ୍ଜିକୃତ ହକରଙ୍କୁ ୬୦୦୦ ଟଙ୍କା ଲେଖାଏ ସହାୟତା ପ୍ରଦାନ
