କେରଳ ଭୂସ୍ଖଳନରେ କଟକର ଡାକ୍ତର ନିଖୋଜ

ନନ୍ଦିଘୋଷ ବ୍ୟୁରୋ: କେରଳ ଭୂସ୍ଖଳନରେ କଟକର ଡାକ୍ତର ନିଖୋଜ । ନିଖୋଜ ଡାକ୍ତର ହେଲେ ବିଷ୍ଣୁପ୍ରସାଦ ଚିନରା । ତାଙ୍କ ଘର କଟକ ଜିଲ୍ଲା ଚୌଦ୍ୱାର ହାଉସିଂ ବୋର୍ଡରେ ହୋଇଥିବାବେଳେ ସେ ହାଇଟେକ୍ ମେଡିକାଲର ମେଡିସିନ ବିଭାଗର ଡାକ୍ତର ଭାବେ କାର୍ଯ୍ଯ କରୁଥିଲେ । ସେ ନିଖୋଜ ହେବାନେଇ ତାଙ୍କ ବାପା ସୂଚନା ଦେଇଛନ୍ତି । ଗତ ୨୬ ତାରିଖରେ ବିଷ୍ଣୁପ୍ରସାଦ ଓ ତାଙ୍କ ସ୍ତ୍ରୀ ପ୍ରିୟଦର୍ଶନୀ ପାଲ ତାଙ୍କ ଦୁଇ ବନ୍ଧୁ ଡ. ସ୍ବାଧୀନ ପଣ୍ଡା ଓ ସ୍ବିକୃତୀ ମହାପାତ୍ରଙ୍କ ସହ ୱାଏନାଡ଼ରେ ଥିବା ସମୟରେ ରାତିରେ ଭୂସ୍ଖଳନ ହୋଇଥିଲା । ଅଘଟଣ ପରେ ବିଷ୍ଣୁଙ୍କ ସ୍ତ୍ରୀ ଉଦ୍ଧାର ହୋଇଥିବାବେଳେ ବିଷ୍ଣୁପ୍ରସାଦଙ୍କର କୌଣସି ପତ୍ତା ମିଳୁନି। ଅନ୍ଯପଟେ ସ୍ବୀକୃତି ମଧ୍ଯ ମେଡିକାଲରେ ଭର୍ତ୍ତି ହୋଇଥିବାବେଳେ ତାଙ୍କ ସ୍ବାମୀ ସ୍ବାଧୀନ ପଣ୍ଡାଙ୍କର ପତ୍ତା ମିଳୁନି ।