ଶବ ବ୍ୟବଚ୍ଛେଦ କରିବାକୁ କହିବାରୁ ଉତ୍କ୍ଷୀପ୍ତ ହୋଇ ଡାକ୍ତର ମାଡ଼ ମାରିଥିବା ଅଭିଯୋଗ
1 min read
କଟକ: SCBରେ ଡାକ୍ତର ଓ ରୋଗୀ ସମ୍ପର୍କୀୟଙ୍କ ମଧ୍ୟରେ ବଚସା ଓ ମାରପିଟ । ସୋମବାର କାଜୁଆଲଟିରେ କାର୍ଯ୍ୟରତ ଡାକ୍ତର ମୃତରୋଗୀର ସମ୍ପର୍କୀୟଙ୍କୁ ନିସ୍ତୁକ ମାଡ଼ ମାରିଥିବା ନେଇ ମଙ୍ଗଳାବାଗ ଥାନାରେ ଅଭିଯୋଗ ହୋଇଛି । ପୁରୀ ଚନ୍ଦନପୁରର ଶକୁନ୍ତଳା ସାହୁ ନାମକ ମହିଳା ଗୁରୁତର ଅବସ୍ଥାରେ କଟକ SCB ଆସିଥିଲେ ।
ରବିବାର ବିଳମ୍ବିତ ରାତିରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହେଲା। ସାପ କାମୁଡ଼ାରେ ମୃତ୍ୟୁ ହୋଇଥିବା ଡାକ୍ତର କହିଥିବା ବେଳେ ସମ୍ପର୍କୀୟ ଶବ ବ୍ୟବଚ୍ଛେଦ ପାଇଁ କହିବାରୁ ମୃତଦେହ ସେମିତି ନେଇଯାଅ ବୋଲି କହିଥିଲେ ଡାକ୍ତର । ଏନେଇ ଡାକ୍ତରଙ୍କୁ ମୃତକଙ୍କ ପୁତୁରା ପ୍ରଶ୍ନ କରିବାରୁ ଉତ୍କ୍ଷୀପ୍ତ ହୋଇ ସମ୍ପୃକ୍ତ ଡାକ୍ତର ଗାଳି କରିବା ସହିତ ଫୋନ କରି ଅନ୍ୟ ଡାକ୍ତରଙ୍କୁ ଡକାଇ ସଂଘବଦ୍ଧ ଭାବରେ ପ୍ରତାପକୁ ଓ ପରେ ତାର ପିଉଷା ପ୍ରସନ୍ନ ଏବଂ ତାଙ୍କର ଜଣେ ବନ୍ଧୁଙ୍କୁ ନିସ୍ତୁକ ପିଟିଥିଲେ।
ପୋଲିସ ସୁରକ୍ଷା କର୍ମୀ ଅଟକାଇବାକୁ ଚେଷ୍ଟା କରି ବିଫଳ ହୋଇଥିଲେ। ତେବେ କୌଣସି ମତେ ସେଠାରୁ ଖସି ଯାଇଥିଲେ ପ୍ରତାପ । ମଙ୍ଗଳାବାଗ ଥାନାରେ ପହଞ୍ଚି ଘଟଣା ନେଇ ଲିଖିତ ଏତଲା ଦେବା ସହିତ ସିଟି ହସ୍ପିଟାଲରେ ଚିକିତ୍ସିତ ହୋଇଥିଲେ। ତାଙ୍କର ବେକରେ ଆଘାତ ଲାଗିବା ସହ ଶରୀରର ବିଭିନ୍ନ ସ୍ଥାନରେ ମାଡ଼ ଦାଗ ଦେଖିବାକୁ ମିଳିଛି । ସମାନ ଅଵସ୍ଥା ତାଙ୍କ ପିଉଷଙ୍କ ବୋଲି ପ୍ରତାପ ନନ୍ଦିଘୋଷ କୁ କହିଛନ୍ତି ପ୍ରତାପ। ସେପଟେ ଏସସିବି ମେଡକାଲରେ ଡାକ୍ତର ଅସୁରକ୍ଷିତ ରୋଗୀ ସମ୍ପର୍କୀୟ ତାଙ୍କୁ ମାରଧର କରୁଥିବା ନେଇ ଥାନାରେ ଏତଲା ପରେ ପୋଲିସ ୨ଟି ଯାକ ଘଟଣାର ତଦନ୍ତ କରୁଛି ।
