କଟକ : କଟକ ଦରଘା ବଜାର ଅଂଚଳରେ ଆଜି ଅଧିକ ସୁରକ୍ଷା ବଳ ମୁତୟନ। ଅତିରିକ୍ତ ପୋଲିସ କମିଶନର ନରସିଂହ ଭୋଳ ଘଟଣାସ୍ଥଳରେ ଉପସ୍ଥିତ ରହି ପରିସ୍ଥିତିର ସମୀକ୍ଷା କରିଛନ୍ତି। ପରିସ୍ଥିତି ଏବେ ସାମାନ୍ଯ ଥିଲେ ସୁଦ୍ଧା ଆଜି ଶୁକ୍ରବାର କଦମରସୁଲ ଅଂଚଳରେ ନମାଜ ପାଠ ଓ ଗହଳି ଲାଗୁଥିବାରୁ ଏଭଳି ଫୋର୍ସ ମୁତୟନ କରାଯାଇଛି। କେନ୍ଦ୍ରୀୟ ବଳ ଓ ରାଜ୍ଯ ପୋଲିସ ବଳ ପଇଁତରା ମାରୁଛନ୍ତି। ଦୁର୍ଗା ଭସାଣକୁ ନେଇ ଝଗଡ଼ା ପରେ ଏହାକୁ ନେଇ କଟକରେ ବଡ଼ ଧରଣର ହିଂସାକାଣ୍ଡ ହୋଇଥିଲା। ବ୍ୟାପକ ପୋଡ଼ା ଜଳା, ଭଙ୍ଗାରୁଜା ହୋଇଥିଲା। ଏପରିକି ସ୍ଥିତି ନିୟନ୍ତ୍ରଣ କରିବାକୁ ପୋଲିସକୁ କର୍ଫ୍ୟୁ ଜାରି ସହିତ ଇଣ୍ଟରନେଟ ବନ୍ଦ କରିବାକୁ ପଡ଼ିଥିଲା। କିଛି ଦିନ ହେଲାଣି ସ୍ଵାଭାବିକ ସ୍ଥିତି ଫେରି ଆସିଛି।
