ଭସାଣ ଉତ୍ସବରେ ଢ଼ୋଲ ବଜାଇଲେ ଜିଲ୍ଲାପାଳ ଭବାନୀ ଶଙ୍କର ଚୟନୀ

କଟକ: ଜମୁଛି ଦେବୀ ଦୁର୍ଗାଙ୍କ ଭସାଣ ଉତ୍ସବ । ଦେବୀଗଡ଼ା ଅଭିମୁଖେ ବାଜା ପଟୁଆରରେ ଯାଉଛନ୍ତି ଗୋଟିଏ ପରେ ଗୋଟିଏ ମେଢ । ଉତ୍ସବରେ ସାମିଲ ହୋଇ ପାରମ୍ପରିକ ବାଜା ବଜାଇଛନ୍ତି କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ । ପ୍ରଶାସନର ନିଷ୍ପତ୍ତିକୁ ସ୍ବାଗତ ଜଣାଇ ଡିଜେମୁକ୍ତ ଭସାଣରେ ବାହାରିଛନ୍ତି ସମସ୍ତ ପୂଜା ମଣ୍ଡପ । ଏହି ଅବସରରେ ମାଆଙ୍କୁ ମେଲାଣି ଦେବାକୁ ଉତ୍ସବରେ ସାମିଲ ହୋଇଥିଲେ ନିଜେ ଜିଲ୍ଲାପାଳ । ଉତ୍ସବରେ ପାରମ୍ପରୀକ ବାଜା ଟ୍ରଲି ଉପରକୁ ଚଢି ବାଜା ବଜାଇଥିଲେ ଜିଲ୍ଲାପାଳ । ତେବେ ଜଣେ ସେବକ ଭାବରେ ବାଜା ବଜାଇ ମାଆଙ୍କୁ ବିଦାୟ ଦେଇଥିବା କହିଛନ୍ତି ଜିଲ୍ଲାପାଳ ।