ଲୁଟେରାଙ୍କୁ ନିସ୍ତାର ନାହିଁ, ପୋଲିସ କବ୍ଜାରେ ବ୍ୟାଙ୍କ ଲୁଟ୍ କରିଥିବା ଦୁର୍ବୃତ୍ତ
କଟକ: ଟୁଇନ ସିଟିରେ ଚାଲିଛି ପୋଲିସ ଏବଂ ଦୁର୍ବୃତ୍ତଙ୍କ ମଧ୍ୟରେ କଡ଼ା ଟକ୍କର । ଲୁଟେରା ଲୁଟୁଛନ୍ତି ହେଲେ ଖସିପାରୁନାହାନ୍ତି ପୋଲିସର ଜାଲରୁ । କିଛି ଦିନ ପୂର୍ବରୁ ହୋଇଥିବା ନୟାସଡ଼କ ବ୍ୟାଙ୍କ ଲୁଟ୍ ଘଟଣାର ପର୍ଦ୍ଦାଫାଶ କରିଛି ପୋଲିସ । ଗିରଫ ହୋଇଛନ୍ତି ସବୁ ଅଭିଯୁକ୍ତ ।
ସେପଟେ ଲୁଟ ସମ୍ପତ୍ତିର ଉଦ୍ଧାର ପ୍ରକ୍ରିୟା ଚାଲୁ ରହିଛି । ଲୁଟରେ ବ୍ୟବହୃତ ବାଇକ ଜବତ କରିଛି ପୋଲିସ । ଏନେଇ ଟ୍ୱିଟ କରି ସୂଚନା ଦେଲେ ପୋଲିସ କମିଶନର । ତେବେ ଲୁଟର ପର୍ଦ୍ଦାଫାସ କରିଥିବାରୁ ଡିସିପିଙ୍କୁ ସିପି ଜଣାଇଲେ ଶୁଭେଚ୍ଛା ।
ଅପରାଧୀଙ୍କୁ ଧରିବାରେ ପୋଲିସକୁ ମିଳିଛି ସଫଳତା । ରେକର୍ଡ ସମୟ ମଧ୍ୟରେ ହୋଇଛି ପର୍ଦ୍ଦାଫାସ । ତଦନ୍ତ ଏବେବି ଜାରି ରହିଛି ବୋଲି ସିପି କହିଥିବା ବେଳେ ସେପଟେ ଆଇନଶୃଙ୍ଖଳା ସମ୍ପର୍କିତ ମୁଲତବି ଆଲୋଚନାରେ ଏନେଇ ଗୃହମନ୍ତ୍ରୀ ଦିବ୍ୟ ଶଙ୍କର ମିଶ୍ର ବିବୃତ୍ତି ରଖିଛନ୍ତି । ସାମ୍ବାଦିକ ସମ୍ମିଳନୀରେ ଏନେଇ ଆଉ କିଛି ସମୟ ପରେ ସୂଚନା ଦେବେ କଟକ ଡିସିପି ।
