କଟକ ବାଲିଯାତ୍ରା: ରାଜ୍ୟ ସରକାର ଓ ଜିଲ୍ଲା ପ୍ରଶାସନର ସାଂଘାତିକ ତ୍ରୁଟି, ବିଜେଡିର ସମାଲୋଚନା

କଟକ: ବାଲିଯାତ୍ରା ଆଯୋଜନ ଅତି ନିମ୍ନସ୍ତରର । ପ୍ରସ୍ତୁତିରେ ରାଜ୍ଯ ସରକାର ଓ ଜିଲ୍ଲା ପ୍ରଶାସନର ସାଂଘାତିକ ତ୍ରୁଟି ସବୁ ପଦାକୁ ଆସୁଛି । ଏଥିପାଇଁ ଉଭୟଙ୍କୁ ଦାୟୀ କରିଛି ପ୍ରେସମିଟ କରି କଡ଼ା ସମାଲୋଚନା କରିଛି ବିଜେଡି । ବାଲିଯାତ୍ରା ରାଜ୍ଯର ଗର୍ବ ହୋଇଥିବାବେଳେ ଏହାର ସମ୍ମାନହାନୀ ଲାଗି ରାଜ୍ଯ ସରକାର ଓ ଜିଲ୍ଲା ପ୍ରଶାସନକୁ ଉତ୍ତରଦାୟୀ କରିଛି ବିଜେଡି ।

ମୁଖ୍ୟମନ୍ତ୍ରୀଙ୍କ ପାଇଁ ବିଦ୍ଯୁତ ଯାନ ନଥିଲା, ସେ କାନ୍ଦିଲେ । ବାଲିଯାତ୍ରା ଦେଖାଇବାକୁ ୧୪ ରାଷ୍ଟ୍ରର ପ୍ରତିନିଧିଙ୍କୁ ଆମନ୍ତ୍ରଣ କରିଛନ୍ତି । ହେଲେ ସବୁସ୍ତରରେ ଆୟୋଜନ ଢିଲା ବୋଲି କଟାକ୍ଷ କରିଛି ବିଜେଡି । ବାଲିଯାତ୍ରା ଓଡ଼ିଆ ଐତିହ୍ୟ ହୋଇଥିବାବେଳେ ଡବଲ ଇଞ୍ଜିନ ସରକାର ଏହାକୁ ଜାତୀୟ ମାନ୍ଯତା ଦେଇପାରିଲେନି । କୁମ୍ଭ ମେଳାକୁ ଜାତୀୟ ମାନ୍ୟତା ଦିଆଯାଇଛି । ହେଲେ ବାଲିଯାତ୍ରାକୁ ଦେଲେନି । ମାନ୍ୟତା ମିଳିଲେ କେନ୍ଦ୍ର ବି ବାଲିଯାତ୍ରା ପାଇଁ ଅର୍ଥ ଖର୍ଚ୍ଚ କରିବେ । କାହା ତୁଣ୍ଡରୁ ଶୁଣି ପାରିଲୁନି କି ବାଲିଯାତ୍ରାକୁ ଜାତୀୟ ମାନ୍ୟତା ମିଳୁ ବୋଲି । ଏହାକୁ ନେଇ କ୍ଷୋଭ ପ୍ରକାଶ କରିଛି ବିଜେଡି ।

ନିମନ୍ତ୍ରଣ ପତ୍ରରେ ମୁଖ୍ଯମନ୍ତ୍ରୀଙ୍କ ନାଁ ନାହିଁ । ଗୋଟିଏ ବିଜେପି ଗୋଷ୍ଠୀ କଥାରେ ପ୍ରଶାସନ ମୁଖ୍ୟମନ୍ତ୍ରୀଙ୍କ ନାଁ ଲେଖିଲାନି । ମୁଖ୍ୟମନ୍ତ୍ରୀଙ୍କୁ ଖାତିର କଲେନି, ରାଜ୍ୟକୁ ସୁରକ୍ଷା କ’ଣ ଦେବେ ବୋଲି ପ୍ରଶ୍ନ କରିଛି ବିଜେଡି । କଟକ ଜିଲ୍ଲାପାଳ ଓ ଏସପି ବିଜେପି ମୁଖପାତ୍ର ପାଲଟିଛନ୍ତି । କେଉଁ ବିଜେପି କଥାରେ କଣ୍ଠଶିଳ୍ପୀ ଅସୀମା ପଣ୍ଡାଙ୍କୁ ଖରାପ ବ୍ୟବହାର କରାଗଲା ? ପୋଲିସ ଯଦି ପାରୁନି ହାତ ଟେକି ଆମେ ପାରୁନୁ ବୋଲି କହିଦେବାକୁ ଦାବି କରିଛି ବିଜେଡି ।

ଯେଉଁ ଯୁକ୍ତଦୁଇ ପିଲା କରେଣ୍ଟ ଖାଇ ମଲା, ୨୦ ଲକ୍ଷ ଟଙ୍କା କ୍ଷତିପୂରଣ ଦିଆଯାଉ । ବିଭିନ୍ନ ମାମଲାରେ ଡବଲ ଇଂଜିନ ଫେଲ । ରିଭର ଫ୍ରଣ୍ଟ କଥା କୁହନ୍ତୁ ନାହିଁ କାରଣ ମହାନଦୀ କଥାରେ କ’ଣ କଲେ ବୋଲି ପ୍ରଶ୍ନ କରିଛି ବିଜେଡି । ବାଲିଯାତ୍ରା ସମୟ ରାତି ୧୨ ଯାଏଁ ହେଉ । ବାଲିଯାତ୍ରାର ସ୍ୱାଗତ ଭାଷଣ ମେୟର ଦିଅନ୍ତି । ହେଲେ କେମିତି କଟକ ସଦର ବିଧାୟକ ଆରମ୍ଭ କଲେ ? ତାହା ପୁଣି କି ଇଂରାଜୀ ? ବୋଧେ ବାର୍ତ୍ତା ଦେଲେ ଯେ ମୁଖ୍ୟମନ୍ତ୍ରୀଙ୍କ ଠାରୁ ସେ ଭଲ ଇଂରାଜୀ କୁହନ୍ତି । ତାଙ୍କ ଭାଷଣରେ ଓଡ଼ିଶାକୁ ବିଧାୟକ ଲଜ୍ଜିତ କରିଛନ୍ତି । ତେବେ ବାକି ଦିନଗୁଡିକ ଯାତ୍ରା ଶୃଙ୍ଖଳିତ ହେବ ବୋଲି ଆଶା କରିଛି ବିଜେଡି ।