ସମ୍ନାକୁ ଆସିଲା ଆଉ ଏକ କେବିଏନ୍ ଗ୍ୟାଙ୍ଗ୍: ଭିଡିଓରେ ବନ୍ଧୁକ ଓ ଖଣ୍ଡା ଦେଖାଇ ଧମକାଉଛନ୍ତି, ଦେଖନ୍ତୁ ଭିଡିଓ

ଭୁବନେଶ୍ୱର: ପୋଲିସର ଆକ୍ସନ ପରେ ଯୁବକଙ୍କ ରିଆକ୍ସନ । ସୋସିଆଲ ମିଡିଆରେ ଭିଡିଓ କରିବା ଆଳରେ ଦେଉଛନ୍ତି ଭୟର ବାର୍ତ୍ତା । କେଉଁଠି ଖଣ୍ଡା ତ ଆଉ କେଉଁଠି ବନ୍ଧୁକ । ଭିଡିଓରେ ଯେଭଳି ଅଶ୍ଳୀଳ ଭାଷା ପ୍ରୟୋଗ କରୁଛନ୍ତି । ରାଜଧାନୀରେ ଏଭଳି କିଛି ଭିଡିଓ ଭାଇରାଲ ହେବା ପରେ ପୋଲିସ ଆକ୍ସନକୁ ଖୋଲାଖୋଲି ଚାଲେଞ୍ଜ କରିଛନ୍ତି ଆଉ କିଛି ଯୁବକ ।

କେବିଏନ ଗ୍ୟାଙ୍ଗକୁ ଧରିବାକୁ ପୋଲିସ ଅପରେସନ ଆଘାତ ନାଁରେ ଆରମ୍ଭ କରିଛି ଗ୍ୟାଙ୍ଗ ମୂଳପୋଛ ଅଭିଯାନ । ସମ୍ପୃକ୍ତ ଯୁବକଙ୍କୁ ଜେଲର ଚାରିକାନ୍ଥ ଭିତରକୁ ପଠାଇବା ସହ ସରକାରୀ ଜାଗାରେ ଗଢି ଉଠିଥିବା ଘରକୁ ଭାଙ୍ଗିଛି । କିନ୍ତୁ ଠିକ ଏହାରି ପରେ ପୋଲିସକୁ ଚ୍ୟାଲେଞ୍ଜ କରି ଆଉ କିଛି ଭିଡିଓ ଭାଇରାଲ କରିଛନ୍ତି କିଛି ଯୁବକ । ଏହି ଭିଡିଓ ଲାଗିଛି ନନ୍ଦିଘୋଷ ଟିଭି ହାତରେ ।

https://www.youtube.com/watch?v=GMASdWi-jgc

ଅନ୍ୟପକ୍ଷରେ ତୃତୀୟ ଦିନରେ ପହଞ୍ଚିଛି ଅପସରେସନ୍ ଆଘାତ । ଭିଡିଓ ବନାଇ ଭୟ ସୃଷ୍ଟି କରୁଥିଲେ, ଏବେ ତୋଡ଼ ଭାଙ୍ଗୁଛି ପୋଲିସ । ଚଳିବନି ଭାଇଗିରି, କମିଶନରେଟ ପୋଲିସ ଟାର୍ଗେଟରେ କେବିଏନ୍ ଗ୍ରୁପ୍ । ଜୋରଦାର କରିଛି ଅପରେସନ୍ ଆଘାତ୍। ଅପରେସନ୍ ଆଘାତ୍-ଡେ ଥ୍ରୀରେ ଗ୍ୟାଙ୍ଗ ମୁଖ୍ୟ ବୁବୁ ଜେନା ଘରେ ନୟାପଲ୍ଲୀ ଥାନା ପୋଲିସ ରେଡ୍ କରୁଛି । ଗତ ଦୁଇ ଦିନ ଧରି ସହଯୋଗୀ ଚେଙ୍ଗ ଓ ସଞ୍ଜୟ ଖୁଣ୍ଟିଆ ଘରେ ରେଡ୍ କରିଥିଲା ପୋଲିସ । ଭାଇରାଲ୍‌ ଭିଡିଓରେ ଥିବା ଖଣ୍ଡା ଜବତ କରାଯାଇଥିଲା ।