କଟକରୁ ହଟିଲା ସଟ୍ଡାଉନ୍: ସନ୍ଧ୍ୟା ୭ରୁ ସକାଳ ୫ ଯାଏଁ ଜାରି ରହିବ କର୍ଫ୍ୟୁ
କଟକ: କଟକରୁ ଉଠିଲା ସଟଡାଉନ । କଟକ ସିଏମସି ଅଞ୍ଚଳରେ ଲାଗୁ ହୋଇଥିବା ସଟଡାଉନ ନିର୍ଦେଶକୁ ସିଏମସି ପକ୍ଷରୁ ଉଠାଇ ନିଆଯାଇଛି। ସଂକ୍ରମଣ ବଢିବା କାରଣରୁ ଗତ ସୋମବାର ଠାରୁ ଶୁକ୍ରବାର ପର୍ଯ୍ୟନ୍ତ ସିଏମସି ଅଞ୍ଚଳରେ ସଟ୍ଡାଉନ୍ ଲାଗୁ କରାଯାଇଥିଲା ଏହା ପରେ ସପ୍ତାହିକ ଶନିବାର ଓ ରବିବାର ସଟ୍ଡାଉନ୍ ପଡ଼ିଥିଲା । ଆଜି ଏହାକୁ ଉଠାଇ ନିଆଯାଇଥିବା ବେଳେ ସାପ୍ତାହିକ ସଟ୍ଡାଉନ୍ ଜାରି ରହିବ ବୋଲି ସ୍ପଷ୍ଟ କରିଦିଆଯାଇଛି । ଆସନ୍ତାକାଲିଠାରୁ କଟକ ସିଏମସି ଅଞ୍ଚଳରୁ ସଟଡାଉନ ହଟିବା ନେଇ ସିଏମସି ପକ୍ଷରୁ ଟ୍ୱିଟ୍ କରାଯାଇଛି । ୧୩ ତାରିଖରୁ ଜୁଲାଇ ୩୧ ପର୍ଯ୍ୟନ୍ତ ସକାଳ ୫ ରୁ ସଂଧ୍ୟା ୬ ପର୍ଯ୍ୟନ୍ତ ସହରରେ ଦୋକାନ ଖୋଲା ରହିବ। ସଂଧ୍ୟା ୭ ରୁ ସକାଳ ୫ ପର୍ଯ୍ୟନ୍ତ କର୍ଫ୍ୟୁ ଲାଗୁ ହେବ ବୋଲି ସିଏମସି ପକ୍ଷରୁ ସୂଚନା ଦିଆଯାଇଛି । ୫୦ ପ୍ରତିଶତ କର୍ମଚାରୀଙ୍କୁ ନେଇ ସରକାରୀ କାର୍ଯ୍ୟାଳୟ ଚାଲିବ । ପାର୍ସଲ ବ୍ୟବସ୍ଥା ଥିବା ହୋଟେଲ, ରେଷ୍ଟୁରାଣ୍ଟ ଖୋଲିବାକୁ ଅନୁମତି ମିଳିଛି । ରାଣୀହାଟ ମାଳି ସାହିରୁ ହଟିଲା କଣ୍ଟେନମେଣ୍ଟ । ଜୁଲାଇ ୪ରୁ କଣ୍ଟେନେମଣ୍ଟ ଜୋନ ଘୋଷଣା କରିଥିଲା ପ୍ରଶାସନ ।
