ୟୁକ୍ରେନର ୭୦ ସୈନ୍ୟ ଠିକଣା ଉଡ଼ାଇ ଦେଲା ଋଷ

କିଏଭ୍: ଜଳୁଛି ୟୁକ୍ରେନ୍ । କିଏଭରେ ଲାଗୁ ହେଲା କର୍ଫ୍ୟୁ । ୟୁକ୍ରେନରେ ଋଷର ଘନ ଘନ ଆକ୍ରମଣ ପରେ ଦୁନିଆ ଆତଙ୍କ ଭିତରେ ରହିଛି । ୟୁକ୍ରେନ୍ ଫସିଥିବା ଲୋକ ଅନିଶ୍ଚିତତା ମଧ୍ୟରେ ଅଛନ୍ତି । କିଏଭ୍ ସ୍ଥିତ ୟୁକ୍ରେନ୍ ପ୍ରତିରକ୍ଷା ମନ୍ତ୍ରଣାଳୟ ଉପରେ ମଧ୍ୟ ଋଷ ସୈନ୍ୟ ଆକ୍ରମଣ କରିଛନ୍ତି । ଋଷ ଆକ୍ରମଣରେ ୟୁକ୍ରେନ୍ ବ୍ୟାପକ କ୍ଷତି ସହ ଧନଜୀବନ ହାନି ହୋଇଛି ।

ଅନ୍ୟପଟେ ଋଷ ସେନା ଚେର୍ନୋବଲ ସ୍ଥିତ ନ୍ୟୁକ୍ଲିୟର ପ୍ଲାଣ୍ଟ ଉପରେ କବଜା କରିବାକୁ ପ୍ରୟାସ କରୁଥିବା ୟୁକ୍ରେନ୍ ରାଷ୍ଟ୍ରପତି ଟ୍ୱିଟ୍ କରିଛନ୍ତି । କୌଣସି ବି ପରିସ୍ଥିତିରେ ୟୁକ୍ରେନ୍ ସେନା ଋଷ ହାତରେ ନ୍ୟୁକ୍ଲିୟର ପ୍ଲାଣ୍ଟ ଛାଡ଼ିବ ନାହିଁ ବୋଲି କହିଛନ୍ତି ରାଷ୍ଟ୍ରପତି । ବିଗୁଡ଼ିଥିବା ପରିସ୍ଥିତିକୁ ଦେଖି ୟୁକ୍ରେନ୍ ରାଜଧାନୀ କିଏଭରେ କର୍ଫ୍ୟୁ ଘୋଷଣା କରିଛନ୍ତି ସ୍ଥାନୀୟ ମେୟର ।

ଅନ୍ୟପଟେ ୟୁକ୍ରେନର ୭୦ଟି ସୈନ୍ୟ ଠିକଣାକୁ ଋଷ ସୈନ୍ୟ କ୍ଷତି ପହଞ୍ଚାଇଛନ୍ତି । ଯେଉଁଥିରେ ୧୧ଟି ଏୟାର ଫିଲ୍ଡ ମଧ୍ୟ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି । ଋଷ ସେନା ହେନିଚେସ୍କ ଓ କହୋକ୍କା ସହରକୁ କବଜା କରି ନେଇଛନ୍ତି । ଯୁଦ୍ଧ ଚାଲିଥିବା ବେଳେ ପ୍ରାୟ ୧୦୦ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ବିଗତ ୧୯ ଘଣ୍ଟା ହେଲା ୟୁକ୍ରେନ୍, ଋଷ ମଧ୍ୟରେ ଯୁଦ୍ଧ ଜାରି ରହିଛି ।