ଟ୍ୱିଟ୍ କରି ଟ୍ରୋଲର ଶିକାର ହେଲେ ଅଭିନେତ୍ରୀ ପାୟଲ ରୋହତଗୀ
1 min read
ମୁମ୍ବାଇ: ୟେସ୍ ବ୍ୟାଙ୍କରେ ଜମା ଟଙ୍କାକୁ ନେଇ ଟ୍ରୋଲ୍ ହୋଇଛନ୍ତି ଅଭିନେତ୍ରୀ । ଆର୍ଥିକ ସଙ୍କଟ ଦେଇ ଗତି କରୁଥିବା ୟେସ୍ ବ୍ୟାଙ୍କକୁ ନେଇ ବଲିଉଡ୍ ଅଭିନେତ୍ରୀ ପାୟଲ ରୋହତଗୀ ଏକ ଟ୍ୱିଟ୍ କରିଥିଲେ । ଯାହାକୁ ନେଇ ସୋସିଆଲ୍ ମିଡିଆ ଟ୍ୱିଟରେ ତାଙ୍କୁ ଟ୍ରୋଲ୍ କରାଯାଇଛି ।
ପାୟଲ ୟେସ୍ ବ୍ୟାଙ୍କକୁ ନେଇ କରିଥିବା ଟ୍ୱିଟରେ ଗୃହ ମନ୍ତ୍ରାଳୟ ଓ ପିଏମଓକୁ ଟ୍ୟାଗ୍ କରିଥିଲେ । ଯେଉଁଥିରେ ଲେଖିଥିଲେ, ‘ଏହା ଠିକ୍ ନୁହେଁ… ପୂର୍ବ ଭଳି ୟେସ୍ ବ୍ୟାଙ୍କକୁ ଚାଲୁ କରାଯାଉ । ବ୍ୟାଙ୍କରେ ମୋ ବାପାଙ୍କ ଟଙ୍କା ବି ଅଛି । ଏହା ବିଗୁଡ଼ୁଥିବା ଅର୍ଥ ବ୍ୟବସ୍ଥାର ସଙ୍କେତ ନୁହେଁ ତ ।’
https://twitter.com/Payal_Rohatgi/status/1235875133547589632
କିନ୍ତୁ, କିଛି ସମୟ ପରେ ସେ ନିଜ ଟ୍ୱିଟ୍ ଡିଲିଟ କରି ଆଉ ଏକ ଟ୍ୱିଟ୍ କରିଥିଲେ । ଯେଉଁଥିରେ ନିଜ ପିତାଙ୍କ ଜମା ଟଙ୍କା ବ୍ୟାଙ୍କରେ ଥିବା ଲେଖି ନଥିଲେ । ତା’ପରେ ୟୁଜର୍ସ ତାଙ୍କୁ ଟ୍ରୋଲ୍ କରିବା ଆରମ୍ଭ କରିଥିଲେ ।
