ବିଜେପି କି ମିଛ କହୁଛି, ଦେବଗଡ଼ବାସୀଙ୍କୁ ବୁଝାଇଲେ କାର୍ତ୍ତିକ ପାଣ୍ଡିଆନ…
1 min read
ଦେବଗଡ଼: ଦେବଗଡ଼ରେ ଦଳୀୟ କର୍ମୀଙ୍କ ପାଇଁ ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହି ଅବସରରେ ଜୁଲାଇରୁ ବିଜୁଳି ବିଲ ଦେବାକୁ ପଡିବନି ବୋଲି କହିଛନ୍ତି ମୁଖ୍ୟମନ୍ତ୍ରୀ। ବିଏସକେୱାଇ, ମିଶନ ଶକ୍ତି, ଲକ୍ଷ୍ମୀ ବସ, ମମତା ଯୋଜନା, 5T ସ୍କୁଲ, ନୂଆ ଓ ଛାତ୍ରବୃତି ଓ କାଳିଆ ଯୋଜନା ବାବଦରେ ଲୋକଙ୍କ ମତାମତ ମଧ୍ୟ ମାଗିଥିଲେ।
ସେହିଭଳି ବିରୋଧୀଙ୍କୁ ପ୍ରଚାର ମୈଦାନରୁ ଜୋରଦାର ସମାଲୋଚନା କରିଛନ୍ତି କାର୍ତ୍ତିକ ପାଣ୍ଡିଆନ । ନବୀନ ପଟ୍ଟନାୟକ ଲୋକାଭିମୁଖୀ ସରକାରର ଉଦାହାରଣ । ବିଜେପି ଜନବିରୋଧୀ ସରକାରର ପରିଚୟ । ଏବେ ଦେବଗଡବାସୀ ବିଚାର କରନ୍ତୁ ବିକାଶକୁ ଆପଣେଇବେ ନା ମିଛ ଓ ଅପପ୍ରଚାର କରୁଥିବା ଦଳକୁ ଭୋଟ ଦେବେ। ଦେବଗଡରେ ମୁଖ୍ୟମନ୍ତ୍ରୀଙ୍କ ପ୍ରଚାର ଅଭିଯାନରେ ଏଭଳି ଅପିଲ କରିଛନ୍ତି 5Tଅଧ୍ୟକ୍ଷ ତଥା ବିଜେଡିର ବରିଷ୍ଠ ନେତା କାର୍ତ୍ତିକ ପାଣ୍ଡିଆନ।
୨୦୧୪ ଓ ୨୦୧୯ରେ ବିଜେପି ତେଲ ଦର ଓ ଏଲପିଜ ଦର ହ୍ରାସ କରିବାକୁ ପ୍ରତିଶୃତି ଦେଇଥିଲେ । ଏଯାଏଁ ପ୍ରତିଶୃତି ପୂରଣ କଲେନି । ପୁଣି ନିର୍ବାଚନ ଆସିବାରୁ ଆସି ବଡ ବଡ କଥା କହୁଛନ୍ତି । ଗତ ନିର୍ବାଚନରେ ସମ୍ବଲପୁରରୁ ଯିଏ ସାଂସଦ ହୋଇଥିଲେ ତାଙ୍କର ଦେଖା ମିଳୁନଥିଲା । ଦେବଗଡକୁ ଏଯାଏଁ ଟ୍ରେନ ଚାଲିପାରିଲା ନାହିଁ। ଏଲପିଜି ଦର ମାଆମାନଙ୍କ ଆଖିରେ ଲୁହ ଆଣୁଛି। ସମଲେଇଙ୍କ ପ୍ରକଳ୍ପକୁ ମଧ୍ୟ ବନ୍ଦ କରିବାକୁ ଚକ୍ରାନ୍ତ କରିଥିଲେ ବିଜେପିର ସମ୍ବଲପୁର ସାଂସଦ ପ୍ରାର୍ଥୀ ।
ଖାଲି ଏତିକି ନୁହେଁ ସୁପ୍ରିମକୋର୍ଟରେ ଲୋକ ଲଗାଇ କେସ କରାଇଲେ । ତାଙ୍କର ଏହି ଚକ୍ରାନ୍ତ ବିରୋଧରେ ଖୁଣ୍ଟ ଭଳି ଛିଡା ହୋଇଥିଲେ ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସ । ଦେବଗଡରେ ମା ଝାଡେଶ୍ବରୀ ମନ୍ଦିର ହେଉ କି ପ୍ରଧାନପାଟର ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ସହୟତା ମଧ୍ୟ ଯୋଗାଇଛନ୍ତି ।
ତେବେ ଜୁନ ୯ ତାରିଖରେ ନବୀନ ପଟ୍ଟନାୟକ ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ଭାବେ ଦାୟିତ୍ବ ନେଲେ ତିନୋଟି ଗୁରୁତ୍ବପୂର୍ଣ୍ଣ ଫାଇଲ ଦସ୍ତଖତ କରିବେ । ପ୍ରଥମ ବିଜୁଳି ବିଲ ଛାଡ, ଦ୍ବିତୀୟରେ ବିଏସକେୱାଇ ଯୋଜନାରୁ ବାଦ ପଡିଥିବା ସବୁ ଯୋଗ୍ୟ ହିତାଧିକାରୀଙ୍କୁ ନବୀନ-କାର୍ଡ ଓ ତୃତୀୟରେ ୬୦ ବର୍ଷରୁ ଉର୍ଦ୍ଧ୍ବ ସବୁ ମିଶନ ଶକ୍ତି ମାଙ୍କୁ ମିଳିବ ପେନସନ । ଦେବଗଡରେ କାର୍ତ୍ତିକ ପାଣ୍ଡିଆନ ଏହି ଘୋଷଣା କରିଛନ୍ତି । ସେପଟେ ସମ୍ବଲପୁର ଲୋକସଭା ପାଇଁ ବିଜେଡି ପ୍ରାର୍ଥୀ ପ୍ରଣବ ପ୍ରକାଶ ଦାସ ମଧ୍ୟ ବିରୋଧୀଙ୍କୁ କଡା ସମାଲୋଚନା କରିଛନ୍ତି ।
