ବାଲିଯାତ୍ରା ପଡିଆରେ ଦାଦାବଟି ମାଗି ବଦଳିଲେ କ୍ୟାଣ୍ଟନମେଣ୍ଟ ଥାନା ଅଧିକାରୀ

କଟକ: ମହଙ୍ଗା ପଡିଲା ବଟି ମାଗିବା ଘଟଣା । ଡିସିପି ଅଫିସକୁ ବଦଳିଲେ କଟକ କ୍ୟାଣ୍ଟନମେଣ୍ଟ ଥାନା IIC ଦୀନକୃଷ୍ଣ ମିଶ୍ର । ଏନେଇ ସୂଚନା ଦେଇଛନ୍ତି କଟକ ଡିସିପି ପିନାକ ମିଶ୍ର । ବାଲିଯାତ୍ରାରେ ସାଇକେଲ ଷ୍ଟାଣ୍ଡ କରିଥିବା ଲୋକଙ୍କୁ ବଟି ମାଗିବାର ଭିଜୁଆଲ ଭାଇରାଲ ହେବା ପରେ ନିଆଯାଇଛି କାର୍ଯ୍ୟାନୁଷ୍ଠାନ ।

ବାଲିଯାତ୍ରା ସମୟରେ ୫୦ ହଜାର ଟଙ୍କା ଲେଖାଏଁ ମାଗୁଥିବାର ଭିଡିଓ ହୋଇଥିଲା ଭାଇରାଲ । ଭିଡିଓରେ ସେ ୫୦ହଜାର ଟଙ୍କା ମାଗୁଥିବାବେଳେ ଏହି ବାବଦରେ ୨୦ହଜାର ଟଙ୍କା ଦେଇଥିବା ବ୍ୟକ୍ତି ଜଣଙ୍କ କହୁଛନ୍ତି । ତେବେ ପୂରା ଟଙ୍କା ନଦେଲେ ଷ୍ଟାଣ୍ଡରୁ ଗାଡ଼ି ଚୋରିହେଲେ ଗ୍ରାହକଙ୍କୁ ଟଙ୍କା ଗଣିବ ବୋଲି ଶୁଣାଇ ଦେଉଛନ୍ତି ଥାନା ଅଧିକାରୀ । ଏହି ଭିଡିଓକୁ ନେଇ ଲୋକଙ୍କ ମଧ୍ୟରେ ବଢ଼ିଥିଲା ଅସନ୍ତୋଷ ।