ଅନୁଗୁଳ ଯାଇ ବିଭିନ୍ନ ପ୍ରକଳ୍ପର ସମୀକ୍ଷା କଲେ ମୁଖ୍ୟ ଶାସନ ସଚିବ

ଅନୁଗୁଳ:  ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ରବିବାର ଅନୁଗୁଳ ଜିଲ୍ଲା ଗସ୍ତ କରିଛନ୍ତି । ଏହି ସମୟରେ ବିଭିନ୍ନ ପ୍ରକଳ୍ପର ନିର୍ମାଣ କାମର ସମୀକ୍ଷା କରିଥିଲେ । ଖଲାରୀ ଉଚ୍ଚ ବିଦ୍ୟାଳୟକୁ ପରିଦର୍ଶନରେ ଯାଇ ରୁପାନ୍ତର କାର୍ଯ୍ୟକୁ ସମୀକ୍ଷା କରିଥିଲେ । ହୁଲୁରୁସିଙ୍ଗା ଠାରେ ନିର୍ମାଣ ହେଉଥିବା ବିଶ୍ବସ୍ତରୀୟ ପାଠାଗାର ନିର୍ମାଣ କାମ ତଦାରଖ କରିଥିଲେ ।

ମୁଖ୍ୟ ଚିକିତ୍ସାଳୟ ପାଖରେ ନିର୍ମାଣ ହେଉଥିବା ଟ୍ରୋମା କେୟାର ସେଣ୍ଟରର କାମ ଦେଖିବା ସହ ତୁରନ୍ତ ସାରିବାକୁ ପରାମର୍ଶ ଦେଇଥିଲେ । ଏହି ସମୟରେ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ଉପସ୍ଥିତ ରହି ବିଭିନ୍ନ ତଥ୍ୟ ପ୍ରଦାନ କରିଥିଲେ ।