ଭିତରକନିକାରେ ବଢ଼ିବ ପର୍ଯ୍ୟଟକଙ୍କ ସଂଖ୍ୟା, ଚାଲିବ କ୍ରୁଜ୍ ଲାଇନର୍
ଭୁବନେଶ୍ୱର: ଭିତରକନିକାରେ ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ପାଇଁ ପଦକ୍ଷେପ । ଧାମରାରୁ ହୁକିଟୋଲ୍ଲା ପର୍ଯ୍ୟନ୍ତ ଚାଲିବ କ୍ରୁଜ୍ ଲାଇନର୍ । ଘରୋଇ ପୁଞ୍ଜି ନିବେଶରେ କ୍ରୁଜ୍ ଲାଇନର୍ ଚଳାଇବା ପାଇଁ ରାଜ୍ୟ ସରକାର ଯୋଗାଇ ଦେବେ ସବୁ ପ୍ରକାର ଭିତ୍ତିଭୂମି । ମୁମ୍ବାଇରେ ଆୟୋଜିତ ଦୁଇ ଦିନିଆ ପୁଞ୍ଜି ନିବେଶକାରୀ ସମ୍ମିଳନୀରେ ଯୋଗ ଦେଇ ଓଡିଶା ନୌବାଣିଜ୍ୟର ଐତିହ୍ୟ ସମ୍ପର୍କରେ ବିସ୍ତୃତ ତଥ୍ୟ ଉପସ୍ଥାପନ କରିଛନ୍ତି ପର୍ଯ୍ୟଟନ ନିର୍ଦ୍ଦେଶକ ।
ଏହା ସହିତ କ୍ରୁଜ ଲାଇନର୍ ପକାଇବା ପାଇଁ ପୁଞ୍ଜି ନିବେଶକାରୀଙ୍କ ସହ ରାଜ୍ୟ ସରକାର ଆଲୋଚନା କରିଛନ୍ତି । ମିଳିଥିବା ସୂଚନା ଅନୁଯାୟୀ ୪ରୁ ୫ ଜଣ ପୁଞ୍ଜିନିବେଶକାରୀ ଏ ନେଇ ଆଗ୍ରହ ପ୍ରକାଶ କରିଛନ୍ତି । ବଙ୍ଗୋପସାଗର ପୂର୍ବତଟରେ କ୍ରୁଜ୍ ଲାଇନର୍ ଚାଲିଲେ ପର୍ଯ୍ୟଟନ ଶିଳ୍ପ ବଡ଼ ବୁଷ୍ଟ ପାଇବ ବୋଲି ସ୍ୱାଗତ କରିଛନ୍ତି ଟୁର୍ ଅପରେଟର ।
