ବଢ଼ିଲା ଅଶୋଧିତ ତୈଳଦର, ବ୍ୟାରେଲ ପିଛା ୧୦୭ ଡାଲର ପହଞ୍ଚିଲା ତୈଳଦର

ନୂଆଦିଲ୍ଲୀ: ଯୁଦ୍ଧ ଆରମ୍ଭରୁ ବଢିଲା ଅଶୋଧିତ ତୈଳଦର । ତେଲର ଦାମ୍ ବ୍ୟାରେଲ ପିଛା ୧୦୭ ଡଲାରରେ ପହଞ୍ଚିଛି । ୨୦୧୪ ପରେ ପ୍ରଥମଥର ଲାଗି ଅଶୋଧିତ ତୈଳ ଦର ଏଭଳି ସ୍ତରରେ ପହଂଚିଛି । ଆଗାମୀ ଦିନରେ ବଜାରରେ ତୈଳଦର ଆହୁରି ବଢିବାର ଆଶଙ୍କା ରହିଛି । ଏହା ଭାରତ ପାଇଁ ଚିନ୍ତା ବଢାଇଛି । ଭାରତ ନିଜ ୮୨ ପ୍ରତିଶତ ତେଲ ବାହାରୁ ଆମଦାନୀ କରୁଥିବାରୁ ଏହା ଚିନ୍ତାର କାରଣ ପାଲଟିଛି । ଚଳିତବର୍ଷ ମଧ୍ୟରେ ଅଶୋଧିତ ତୈଳ ଦର ୨୨ ଡଲାର ବୃଦ୍ଧି ଘଟିଛି । ବିଶ୍ୱରେ ଋଷ ହେଉଛି ତୃତୀୟ ବୃହତ ତୈଳ ଆମଦାନୀ ରାଷ୍ଟ୍ର । ତେଣୁ ଯୁଦ୍ଧ ଭିତରେ ଆମଦାନୀ ପ୍ରଭାବିତ ହେବ ବୋଲି ଆଶାଙ୍କା ବୃଦ୍ଧି ପାଇଛି । ସମ୍ଭାବ୍ୟ ତୈଳ ସଙ୍କଟର ମୁକାବିଲା ପାଇଁ ଭାରତ ସରକାର ଖାଲି ଥିବା ତୈଳ ଭଣ୍ଡାର ଗୁଡିକୁ ଭର୍ତ୍ତି କରିବାକୁ ଯୋଜନା କରୁଛନ୍ତି ।