ଜାସୁସୀ ସନ୍ଦେହରେ ଯବାନ ଗିରଫ ; ଗୁଇନ୍ଦା ସଂସ୍ଥା ISIକୁ ସୂଚନା ଯୋଗାଇଥିବା ସନ୍ଦେହ
1 min read
ନନ୍ଦିଘୋଷ ବ୍ୟୁରୋ: ପାକିସ୍ତାନ ଲାଗି ଗୁଇନ୍ଦାଗିର ଅଭିଯୋଗରେ ସିଆରପିଏଫର ଜଣେ ଯବାନ ଗିରଫ । ଯବାନଙ୍କୁ ଗିରଫ କରିଛି ଏନଆଇଏ । ଗିରଫ ଯବାନ ଜଣକ ହେଲେ ମୋତିରାମ ଜାଟ। ଜାମ୍ମୁ କାଶ୍ମୀର ପହଲଗାଓଁ ଆତଙ୍କବାଦୀ ଆକ୍ରମଣର ୬ ଦିନ ପୂର୍ବରୁ ସିଆରପିଏଫ୍ ଯବାନଙ୍କ ପହଲଗାଓଁ ପୋଷ୍ଟିଂ ଶେଷ ହୋଇଥିଲା। ମୋତି ରାମ ଜାଟ ଗୁପ୍ତଚର କାର୍ଯ୍ୟକଳାପରେ ସକ୍ରିୟ ଭାବରେ ଜଡିତ ଥିଲେ। ୨୦୨୩ ମସିହାରୁ ପାକିସ୍ତାନୀ ଗୁଇନ୍ଦା ଅଧିକାରୀ PIOଙ୍କ ସହିତ ଜାତୀୟ ସୁରକ୍ଷା ସମ୍ବନ୍ଧୀୟ ଗୋପନୀୟ ସୂଚନା ପ୍ରଦାନ କରୁଥିବା ଜଣାପଡିଛି ।
ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଗିରଫ ହୋଇଥିବା CRPFର ଜଣେ କର୍ମଚାରୀଙ୍କୁ ଜମ୍ମୁ ଏବଂ କାଶ୍ମୀରର ପହଲଗାଓଁରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣର ମାତ୍ର ଛଅ ଦିନ ପୂର୍ବରୁ ବଦଳି ହୋଇଥିଲେ। ଅଭିଯୁକ୍ତ ଆସିଷ୍ଟାଣ୍ଟ ସବ-ଇନ୍ସପେକ୍ଟର ଏଏସଆଇ ମୋତି ରାମ ଜାଟ ସ୍ଥାନାନ୍ତର ପୂର୍ବରୁ ପହଲଗାଓଁରେ ସିଆରପିଏଫର ୧୧୬ତମ ବାଟାଲିୟନରେ ମୁତୟନ ଥିଲେ । ଦିଲ୍ଲୀରୁ ଜାଟଙ୍କୁ ଗିରଫ କରିଛି NIA । ୨୦୨୩ ମସିହାରୁ ଟଙ୍କା ଲାଗି ପାକିସ୍ତାନ ଗୁପ୍ତଚର ଅଧିକାରୀ PIOsଙ୍କୁ ଗୁପ୍ତ ସୂଚନା ପ୍ରଦାନ କରିବାରେ ସମ୍ପୃକ୍ତ ଥିଲେ । ଭାରତୀୟ ସୁରକ୍ଷା ବାହିନୀର କାର୍ଯ୍ୟକ୍ଷମ ବିବରଣୀ, ଗତିବିଧି ପଦ୍ଧତି ଏବଂ ପ୍ରମୁଖ ସାମରିକ ପ୍ରତିଷ୍ଠାନର ସ୍ଥାନ ନେଇ ସୂଚନା ଦେଇଥିଲେ।ଗିରଫ ପରେ ଯବାନଙ୍କୁ CRPFରୁ ବହିଷ୍କାର କରାଯାଇଛି। NIA ଅଧିକାରୀମାନେ ତାଙ୍କୁ ବର୍ତ୍ତମାନ ପଚରାଉଚରା କରୁଛନ୍ତି। ପହଲଗାଓଁ ଆକ୍ରମଣ ନେଇ ଗୁପ୍ତଚର ନେଟୱର୍କ ଓ ସମ୍ଭାବ୍ୟ ଲିଙ୍କ୍ ନେଇ ଯାଞ୍ଚ କରୁଛି ଏନଆଇଏ।
