ଚାଷ ଜମିରୁ କୁମ୍ଭୀର ଉଦ୍ଧାର କଲା ବନ ବିଭାଗ

ଦିଗପହଣ୍ଡି: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ କୈଠଖଣ୍ଡି ପଞ୍ଚାୟତ ତଲାସିଙ୍ଗୀ ଗ୍ରାମର ସିମାଞ୍ଚଳ ପାଣିଗ୍ରାହୀଙ୍କ ଧାନ ଜମିରୁ ଶନିବାର ଅପରାହ୍ନରେ କୁମ୍ଭୀର ଉଦ୍ଧାର କରାଯାଇଛି । ଦିଗପହଣ୍ଡି ବନବିଭାଗ ଓ ପୋଲିସ କର୍ମଚାରୀଙ୍କ ମିଳିତ ଉଦ୍ୟମରେ କୁମ୍ଭୀରଟିକୁ ଉଦ୍ଧାର କରାଯାଇଛି । କୁମ୍ଭୀରଟି  ନିକଟସ୍ଥ ଘୋଡ଼ାହାଡ଼ ଡ଼୍ୟାମରୁ କେନାଲ ପାଣିରେ ଭାସି ଆସିଥିବା ଦିଗପହଣ୍ଡି ରେଞ୍ଜର ପ୍ରମୋଦ ଖଡ଼ଗରାୟ କହିଛନ୍ତି । ଉଦ୍ଧାର କୁମ୍ଭୀର ଟି ଗୋ-ମୁହାଁ ପ୍ରଜାତିର । ଲମ୍ବା ପ୍ରାୟ ୫ ଫୁଟ ଏବଂ ବୟସ ପ୍ରାୟ ୩ ବର୍ଷ ହେବ କୁହାଯାଉଛି । ଗାଁର କିଛି ଚାଷୀ ଜମିରେ କାମ କରି ଫେରୁଥିବା ବେଳେ କୁମ୍ଭୀର ଟିକୁ ଦେଖିଥିଲେ । ଖବର ପ୍ରଚାରିତ ହେବାପରେ  ଗାଁର ବହୁ ସଂଖ୍ୟକ ବ୍ୟକ୍ତି କୁମ୍ଭୀର ଦେଖିବାକୁ ସେଠାରେ ପହଞ୍ଚିଥିଲେ । ପଞ୍ଚାୟତ ସମିତି ସଭ୍ୟ ଅରୁଣ ଗୌଡ଼ ଏନେଇ ଜଣାଇବା ପରେ ରେଞ୍ଜରଙ୍କ ନିର୍ଦ୍ଦେଶକ୍ରମେ ଦିଗପହଣ୍ଡି ବନବିଭାଗ କାର୍ଯ୍ୟାଳୟର ବନରକ୍ଷୀ ସୁଜାତା ରଥ, ମୂରଲୀଧର ନାୟକଙ୍କ ସହ ବନବିଭାଗ ପାରା କର୍ମଚାରୀ ବୃନ୍ଦ ଘଟଣାସ୍ଥଳରେ ପହଞ୍ଚି କୁମ୍ଭୀର ଟିକୁ କାବୁ କରି ଗ୍ରାମର ମଠ ଛକକୁ ଆଣିଥିଲେ । ରେଞ୍ଜରଙ୍କ ପରାମର୍ଶ କ୍ରମେ ଘୋଡ଼ାହାଡ଼ ଡ଼୍ୟାମରେ ଛାଡି ଦେଇଥିବା ଜଣାପଡିଛି । ସୂଚନାଯୋଗ୍ୟ ଯେ, ଗତ ପ୍ରାୟ ୨ ବର୍ଷ ମଧ୍ୟରେ ଘୋଡ଼ା ହାଡ଼ ଡ଼୍ୟାମ ସଂଲଗ୍ନ ବୁରି ପଦର,ଶଙ୍କର ଖାଳି,କୈଠଖଣ୍ଡି, ଖମାରି ଗାଁ,ଗୋଲଣ୍ଡା,ସେବକ ଟିକର ପଡ଼ା, ଲୁଣୁ ଲୁଣିଆ ପ୍ରଭୃତି ଗାଁ ଗୁଡିକରୁ ୮ ରୁ ଊର୍ଦ୍ଧ୍ୱ କୁମ୍ଭୀରଙ୍କୁ ଉଦ୍ଧାର କରାଯାଇଛି ।

https://www.facebook.com/NandighoshaTV/videos/813397792736900/

 ଗତ ମହାବାତ୍ୟା ଓ ବନ୍ୟା ସମୟରେ ଘୋଡ଼ା ହାଡ଼ ଡ଼୍ୟାମରୁ ବହୁ ସଂଖ୍ୟକ କୁମ୍ଭୀର ଆଖପାଖ ଜନବସତି ଗାଁ ମାନଙ୍କରେ ଥିବା ପୋଖରୀ ଗୁଡ଼ିକୁ ଚାଲିଆସିଥିବା ସହ ସେଠାରେ ସେମାନଙ୍କ ବଂଶ ବିସ୍ତାର କରିଥିବା ସହ ସେସବୁ ପୋଖରୀ ଓ ଜଳାଶୟ ମାନଙ୍କରେ ପ୍ରାୟ ୧୫ ରୁ ଊର୍ଦ୍ଧ୍ୱ କୁମ୍ଭୀର ରହିଥିବା ନେଇ ବନବିଭାଗ କୁମ୍ଭୀର ଗଣନା ରିପୋର୍ଟ ରୁ ଜଣାପଡିଛି।