ଆସନ୍ତାକାଲି ଦିନ ୧୧ଟାରେ EOWରେ ହାଜର ହେବାକୁ ନୋଟିସ ଦେଲା କ୍ରାଇମବ୍ରାଞ୍ଚ

ଭୁବନେଶ୍ୱର: ପୁଣି ହରଡ଼ ଘଣାରେ ଓଟିଭି ପରିଚାଳିନା ନିର୍ଦ୍ଦେଶିକା ଜଗି ମଙ୍ଗଦ ପଣ୍ଡା । ରାଜଧାନୀ ଗଣ ଦୁଷ୍କର୍ମ ମାମଲାରେ ଆଉ ପାଦେ ଆଗକୁ ଯାଇଛି କ୍ରାଇମବ୍ରାଞ୍ଚ । ନାବାଳିକା ଗଣ ଦୁଷ୍କର୍ମ ମାମଲାରେ ଜଗି ମଙ୍ଗତ ପଣ୍ଡାଙ୍କୁ ନୋଟିସ୍ ଜାରି କରିଛି କ୍ରାଇମବ୍ରାଞ୍ଚ୍ । ଆସନ୍ତାକାଲି ଦିନ ୧୧ଟା ସମୟରେ EOWରେ ହାଜର ହେବାକୁ କ୍ରାଇମବ୍ରାଞ୍ଚ ନୋଟିସ୍ ଜାରି କରିଛି । ନୋଟିସ ଜାରି କରିବା ସମୟରେ ଜଗି ଅନୁପସ୍ଥିତ ଥିବାରୁ ଓଟିଭି ଆସିଷ୍ଟାଣ୍ଟ ମ୍ୟାନେଜର- ଅପରେସନ ଜଗିଙ୍କ ପକ୍ଷରୁ ନୋଟିସ୍ ଗ୍ରହଣ କରିଛନ୍ତି ।

ସୂଚନା ଅନୁସାରେ, ଶୁକ୍ରବାର ଦିନ ୧୨ଟା ସମୟରେ କ୍ରାଇମବ୍ରାଞ୍ଚ୍ ୪ ଜଣିଆ ଟିମ୍ ଓଟିଭି ଅଫିସରେ ପହଞ୍ଚିଥିଲେ । ଏହି ସମୟରେ ଫାଟକ ଭିତରକୁ କ୍ରାଇମବ୍ରାଞ୍ଚର ଟିମକୁ ଅଫିସ୍ ଭିତରକୁ ଯିବାକୁ ଅନୁମତି ଦେଇନଥିଲେ ଓଟିଭି କର୍ତ୍ତୃପକ୍ଷ । ଏବଂ କିଛି ସମୟ ପରେ  ଜଗୀଙ୍କ ପକ୍ଷରୁ ଆସିଷ୍ଟାଣ୍ଟ ମ୍ୟାନେଜର- ଅପରେସନ ଆସି ନୋଟିସ୍ ଗ୍ରହଣ କରିଥିଲେ । କ୍ରାଇମବରାଞ୍ଚର ଟିମ୍ ବାହାରେ କିଛି ସମୟ ରହିବା ପରେ ଜଗୀଙ୍କ ସହ ଫୋନ ଯୋଗେ କଥାବାର୍ତ୍ତା କରିଥିଲେ ଏବଂ ନୋଟିସ୍ ଜାରି କରି ସେଠାରୁ ଫେରି ଆସିଥିଲେ ।

ପୂର୍ବରୁ ନାବାଳିକ ଗଣଦୁଷ୍କର୍ମ ମାମଲାରେ ଓଟିଭି ଏମଡି ଜଗୀ ମଙ୍ଗତ ପଣ୍ଡା ମହିଳା କମିଶନରେ ହାଜର ହୋଇଥିଲେ । କିନ୍ତୁ ସେହି ସମୟରେ କୌଣସି ପଚରାଉଚରା ହୋଇପାରିନଥିଲା । ଶୁଣାଣି ବେଳକୁ ସେ ଉପସ୍ଥିତ ନଥିଲେ  । ସେହି ସମୟରେ ତାଙ୍କର କିଛି କାମ ଥିବା କହି ଚାଲିଯାଇଥିବା ଜଣାପଡ଼ିଥିଲା । ଏହାର କିଛିଦିନ ପରେ କ୍ରାଇମବ୍ରାଞ୍ଚ ହାତକୁ ଯାଇଥିଲା ଏହି ମାମଲା ।