ପୂଜା ପୂର୍ବରୁ ପୁଣି ରାଜଧାନୀରେ କ୍ରାଇମ୍, ପାଣି ମାଗି ହାଣିଦେଲେ
1 min read
ଭୁବନେଶ୍ବର: ରାଜଧାନୀରେ ଲୁଟେରାଙ୍କ ଆତଙ୍କ । କେତେ ବେଳେ ସହର ଭିତରେ ତ ପୁଣି କେତେବେଳେ ଆପର୍ଟମେଣ୍ଟରେ । ଗତକାଲି ଇନଫୋସିଟି ଥାନା ରାଜବାଟିକା ଆପାର୍ଟମେଣ୍ଟରେ କଳାକାନା ବୁଲାଇବା ପରେ ପୁଣି ପୋଲିସକୁ ଦୁର୍ବୃତ୍ତ ଖୋଲା ଚ୍ୟାଲେଞ୍ଜ ଦେଇଛନ୍ତି ।
ଜଣେ ସିକ୍ୟୁରିଟି ଗାର୍ଡଙ୍କୁ ପାଣି ମାଗି ହାଣି ଦେଇଛନ୍ତି ଦୁର୍ବୃତ୍ତ । ଅଟୋ ସୋରୁମରେ ଲୁଟ୍ ଯୋଜନା ରଖି ଡ୍ୟୁଟିରେ ଥିବା ଜଣେ ସିକ୍ୟୁରିଟି ଗାର୍ଡକୁ ମରଣାନ୍ତକ ଆକ୍ରମଣ କରି ଫେରାର ହୋଇଯାଇଛନ୍ତି ଦୁର୍ବୃତ୍ତ । ଏକ ଅଟୋ ସୋ ରୁମରେ ଡ୍ୟୁଟି କରୁଥିବା ଅବସ୍ଥାରେ ଏହି ଘଟଣା ଘଟିଛି । ଆହତ ସିକ୍ୟୁରିଟି ଗାର୍ଡ ଗୌରାଙ୍ଗ ଦାସ K1 ସଂସ୍ଥାରେ କାମ କରୁଥିଲେ । ତାଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସପିଟାଲରେ ଭର୍ତ୍ତି କରାଯାଇଛି । ପୁରୀ ବାଇପାସ୍ ରୋଡ ମଙ୍ଗରାଜ ପଏଣ୍ଟ ନିକଟରେ ଏହି ଘଟଣା ଘଟିଛି । ଏବେ ଯାଏ ବି ଦୁର୍ବୃତ୍ତଙ୍କ ଟେର ପାଉନି ପୋଲିସ ।
