T20 ବିଶ୍ୱକପ୍: ଆଜି ଭାରତ-ପାକିସ୍ତାନ ମ୍ୟାଚ୍, ଜାଣନ୍ତୁ ଦୁବାଇର ପାଣିପାଗ ସ୍ଥିତି

1 min read
Cricket T20 World Cup India Vs Pakistan Dubai Weather Update

ଆବୁଧାବି: ଟି-ଟ୍ୱେଣ୍ଟି ବିଶ୍ୱକପରେ ସବୁଠୁ ବଡ଼ ମୁକାବିଲା । କ୍ରିଜରେ ଲଢ଼ିବେ ଭାରତ-ପାକିସ୍ତାନ । ଯାହା ଉପରେ ରହିଛି ସମସ୍ତଙ୍କ ନଜର । ସନ୍ଧ୍ୟା ୭ଟା ୩୦ରେ ଦୁବାଇରେ ଆରମ୍ଭ ହେବ ଟକ୍କର । ପୂର୍ବରୁ ପାକିସ୍ତାନ ସହ ହୋଇଥିବା ସମସ୍ତ ମ୍ୟାଚ୍ ଭାରତ ସପକ୍ଷରେ ଯାଇଛି । ତେବେ ଟି-ଟ୍ୱେଣ୍ଟି ଫର୍ମାଟରେ ପାକିସ୍ତାନ ବି ଚକମା ଦେଇପାରେ । ଟି-ଟ୍ୱେଣ୍ଟି ବିଶ୍ୱକପରେ ଭାରତ-ପାକିସ୍ତାନ ୫ ଥର ମୁହାଁମୁହିଁ ହୋଇଛନ୍ତି । ବିଜୟ ଧାରାକୁ ଅବ୍ୟାହତ ରଖି ୬-୦ ସ୍କୋର କରିବାକୁ ଚାହିଁବ ଭାରତ । ତେବେ ଏସବୁ ଉପରେ ନିର୍ଭର କରୁଛି ଦୁବାଇର ପାଣିପାଗ । ଆସନ୍ତୁ ଜାଣିବା କଣ ରହିଛି ସେଠାକାର ପାଣିପାଗ ସ୍ଥିତି…

Cricket T20 World Cup India Vs Pakistan Dubai Weather Update

ଦୁବାଇୁ କ୍ରିକେଟପ୍ରେମୀଙ୍କ ଲାଗି ଭଲ ଖବର ଆସିଛି । ଦୁବାଇରେ ଆଜି ସନ୍ଧ୍ୟା ସମୟରେ ଆକାଶ ସଫା ରହିବା ସହ ବର୍ଷାର କୌଣସି ଆଶଙ୍କା ନାହିଁ । ସନ୍ଧ୍ୟା ବେଳେ ତାପମାତ୍ରା ପ୍ରାୟ ୩୧ ଡିଗ୍ରୀ ପାଖାପାଖି ରହିବ । ଦକ୍ଷିଣରୁ ପୂର୍ବ ଦିଗକୁ ଘଣ୍ଟାପ୍ରତି ୭ କିଲୋମିଟର ବେଗରେ ପବନ ବହିବ । ଏହାସହ ସନ୍ଧ୍ୟାରେ ଆଦ୍ରତା ୭୦ ପ୍ରତିଶତ ପାଖାପାଖି ରହିବ । ଅର୍ଥାତ୍ କ୍ରିକେଟ୍ ପାଇଁ ଭଲ ପାଗ ।

Cricket T20 World Cup India Vs Pakistan Dubai Weather Update

ଭାରତ-ପାକିସ୍ତାନ ମଧ୍ୟରେ ଖେଳା ଯିବାକୁ ଥିବା ମ୍ୟାଚରେ ଟସର ବଡ଼ ଭୂମିକା ରହିବ । ୟୁଏଇରେ ପାଗ ବଦୁଳିଥିବାରୁ କମ ଗରମ ହେବ । ସନ୍ଧ୍ୟା ସମୟରେ କାକରର ପ୍ରଭାବ ମ୍ୟାଚ୍ ଉପରେ ପଡ଼ିପାରେ । ସୂଚନାଯୋଗ୍ୟ ୨୦୨୦ ଆଇପିଏଲ୍ ମୁକାବିଲାର ପ୍ରଥମ ଭାଗରେ ଅଧିକ ଗରମ ହେଉଥିଲା । ଟସ୍ ଜିତି ପ୍ରଥମେ ବ୍ୟାଟିଂ କରି ୭୭ ପ୍ରତିଶତ ବିଜୟ ମିଳୁଥିଲା ।

Cricket T20 World Cup India Vs Pakistan Dubai Weather Update

ଭାରତ ଗ୍ରୁପରେ ୫ଟି ମ୍ୟାଚରୁ ୪ଟି ମୁକାବିଲା ଦୁବାଇରେ ଖେଳିବ । ବିଗତ ବର୍ଷର ପାଣିପାଗ ସ୍ଥିତି ଉପରେ ନଜର ପକାଇଲେ ଏଠାରେ ପିଚ୍ ସେତେ ବଦଳି ନାହିଁ । ବିଗତ ୨ଟି ଆଇପିଏଲ୍ ସିଜିନରେ ମଧ୍ୟ ସ୍କୋର ୧୫୦ରୁ ୧୬୦ ଭିତରେ ରହିଛି । ଦ୍ରୁତ୍ ବୋଲରଙ୍କୁ ଅଧିକ ୱିକେଟ୍ ମିଳିଛି । ରେକର୍ଡ କଥା କହିଲେ ଦୁବାଇରେ ଗୋଟିଏ ୱିକେଟ୍ ପାଇଁ ୨୭ ରନ୍ ଦିଅନ୍ତି ଦ୍ରୁତ ବୋଲର । ଯେତେବେଳେ କି ଗୋଟିଏ ୱିକେଟ୍ ନେବାକୁ ସ୍ପିନର ହାରାହାରି ୩୨ ରନ୍ ଦିଅନ୍ତି ।

Opn Commnet Area

Leave a Reply

Your email address will not be published. Required fields are marked *