ପାଣ୍ଡ୍ୟାଙ୍କ ବ୍ୟାଟିଂରେ ଫିଦା ମାଇକେଲ
1 min read
ନୂଆଦିଲ୍ଲୀ: ପାଣ୍ଡ୍ୟାଙ୍କ ପ୍ରଚଣ୍ଡ ପ୍ରହାରରେ ଧରାଶାୟୀ ହୋଇପଡିଥିଲା କଙ୍ଗାରୁ । ଟି-୨୦ରେ ଟିମ ଇଣ୍ଡିଆ ନେଇଥିଲା ଦିନିକିଆର ବଦଲା । ସର୍ଟ ପରେ ସର୍ଟ । ୨୨ ବଲରେ ୪୪ ରନ । ଆଖି ଲାଖିଗଲା ପରି ଥିଲା ବ୍ୟାଟିଂର ଯାଦୁଗରୀ । ଟିମ୍ ଇଣ୍ଡିଆର ଏହି ଯୁବ କ୍ରିକେଟରଙ୍କ କ୍ରେଜ ଏବେ କାହିଁରେ କଣ । ଆଉ ଠିକ ଏହି ଟାଇମରେ ପାଣ୍ଡ୍ୟାଙ୍କ ପାୱାରକୁ ଟିକେ ଟେକିଦେଇଛନ୍ତି ଇଂଲଣ୍ଡର ପୂର୍ବତନ କ୍ୟାପଟେନ । ଭାରତୀୟ ଦଳର ଏହି କ୍ରିକେଟରଙ୍କ ବ୍ୟାଟିଂ ଧୋନୀ, କୋହଲିଙ୍କ ପରେ ନିଶ୍ଚେ ବିଶ୍ୱ ବିଦିତ ହେବ ବୋଲି ପ୍ରତିକ୍ରିୟାରେ କହିଛନ୍ତି ମାଇକେଲ ଭନ ।
ରବିବାର ଅର୍ଥାତ ଡିସେମ୍ବର ୬ ତାରିଖରେ ଭାରତ-ଅଷ୍ଚ୍ରେଲିଆ ମଧ୍ୟରେ ଥିଲା ଟି-୨୦ ମ୍ୟାଚ । ୨୦ ଓଭର ବିଶିଷ୍ଟ ମ୍ୟାଚରେ ଅଷ୍ଟ୍ରେଲିଆ କରିଥିଲା ୧୯୫ ରନ୍ । ସେପଟେ ବିପକ୍ଷ ଭାରତୀୟ ଟିମ 19 ଓଭରରେ ଅକ୍ତିଆର କରିଥିଲା ମ୍ୟାଚ । ମ୍ୟାଚରେ ସବୁଠୁ ଆକର୍ଷଣୀୟ ରହିଥିଲା ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟାଟିଂ । ଦଳକୁ ଜିତାଇବାରେ ପ୍ରମୁଖ ଭୂମିକା ନେଇଥିଲେ ଏହି ଯୁବ କ୍ରିକେଟର । ମାତ୍ର ୨୨ ବଲରେ ୪୪ ରନ ସଂଗ୍ରହ କରି ସମସ୍ତ ଦର୍ଶକଙ୍କ ପାଇଁ ସାଜିଥିଲେ ଷ୍ଟାର ।
ବିଦେଶ ମାଟିରେ ଦିନିକିଆ ସିରିଜରେ ଧୂଳି ଚାଟିଥିବା ଭାରତ କିନ୍ତୁ ଟି-୨୦ ମ୍ୟାଟରେ ସ୍ବଦେଶୀ ଟିମକୁ କରିଥିଲା ଧରାଶାୟୀ । ଲଗାତର ୨ଟି ମ୍ୟାଚକୁ ନିଜ ପଟକୁ ଆଣିବା ସହ ସିରିଜକୁ ନିଜ ପଟକୁ ଆଣିବାରେ ସକ୍ଷମ ହୋଇଛି ଟିମ ଇଣ୍ଡିଆ । ସେପଟେ ଦ୍ୱିତୀୟ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟାଟିଂ କ୍ରିକେଟ ପ୍ରେମୀଙ୍କୁ ଫିଦା କରିଥିବା ବେଳେ, ଇଂଲଣ୍ଡର ପୂର୍ବତନ ଅଧିନାୟକ ମାଇକେଲଙ୍କୁ ମଧ୍ୟ କରିଛି ପ୍ରଭାବିତ ।
