ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ପରିବାରର ୪ଜଣଙ୍କୁ କରୋନା

ମୁମ୍ବାଇ: କରୋନା ଭାଇରସ୍ ସରାଦେଶରେ ହାହାକାର ସୃଷ୍ଟି କରିଛି । ଏହି ମାହାମାରୀ ଆଗରେ ସମସ୍ତେ ହାର ମାନୁଛନ୍ତି । ସାଧାରଣ ଜନତାଙ୍କ ଠାରୁ ଆରମ୍ଭ କରି ନେତା ପର୍ଯ୍ୟନ୍ତ ସମସ୍ତଙ୍କୁ କବଳିତ କରିଛି କରୋନା ମାହାମାରୀ । ବର୍ତ୍ତମାନ ଏହି ମହାମାରୀ ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ପରିବାରରେ ପହଞ୍ଚିଛି । ତାଙ୍କ ବଡ଼ ଭାଇ ଏଥିରେ ଆକ୍ରାନ୍ତ ହୋଇଥିବା ସୂଚନା ମିଳିଛି । ଏକ ରିପୋର୍ଟ ଅନୁଯାୟୀ, ଗାଙ୍ଗୁଲିଙ୍କ ବଡ଼ ଭାଇ ସ୍ନେହାଶିଶ୍‌ ଗାଙ୍ଗୁଲି କୋଭିଡ୍‌-୧୯ ପଜିଟିଭ୍‌ ବୋଲି ଜଣାପଡିଛି । କେବଳ ଏତିକି ନୁହେଁ ସ୍ନେହାଶିଶଙ୍କ ପତ୍ନୀ ତଥା ସୌରଭ ଗାଙ୍ଗୁଲିଙ୍କ ଭାଉଜ ମଧ୍ୟ ଏହି ମହାମାରୀର ଶିକାର ହୋଇଛନ୍ତି । ହେଲେ ଏନେଇ କୌଣସି ଗାଙ୍ଗୁଲିଙ୍କ ପରିବାର ପକ୍ଷରୁ କୌଣସି ସ୍ପଷ୍ଟି କରଣ ଦିଆଯାଇ ନାହିଁ ।

ଗତ ସପ୍ତାହରେ ଶାଶୁ ଓ ଶ୍ୱଶୁରଙ୍କୁ ଆକ୍ରାନ୍ତ କରିଥିଲା କରୋନା

ରିପୋର୍ଟ ଅନୁଯାୟୀ, ଗତ ସପ୍ତାହରେ ସ୍ନେହାସିଶଙ୍କ ଶାଶୁ ଏବଂ ଶ୍ୱଶୁର ମଧ୍ୟ କରୋନା ଆକ୍ରାନ୍ତ ହୋଇଥିଲେ । ପ୍ରଥମେ ପରିବାରର ଚାରି ଜଣ ସ୍ୱାସ୍ଥ୍ୟଗତ ସମସ୍ୟାକୁ ନେଇ ଅଭିଯୋଗ କରିଥିଲେ ଏବଂ ପରେ ସମସ୍ତଙ୍କ ଠାରେ କୋଭିଡ୍-୧୯ର ଲକ୍ଷଣ ଦେଖାଯାଇଥିଲା । ସେମାନେ ଅନ୍ୟ ଘରେ ରହୁଥିଲେ । ଯାହା ଗାଙ୍ଗୁଲିଙ୍କ ପୈତୃକ ଘର ନଥିଲା । ପରୀକ୍ଷା ରିପୋର୍ଟ ପଜିଟିଭ୍ ଆସିବା ପରେ ଚାରିଜଣଙ୍କୁ ଏକ ଘରୋଇ ନର୍ସିଂହୋମକୁ ସ୍ଥାନାନ୍ତର କରାଯାଇଛି ।