ପାଗଳ କରିଛି ଘିବଲି ଇମେଜ୍, କମ୍ପାନୀ ସିଇଓ କହିଲେ ଆମକୁ ଶୋଇବାକୁ ତ ଦିଅ…

ନନ୍ଦିଘୋଷ ବ୍ୟୁରୋ: ଓପନ AIର ChatGPT ଏକ ନୂଆ ଟୁଲ ଲଞ୍ଚ କରି ଇଣ୍ଟରନେଟ ଦୁନିଆରେ ଝଡ଼ ସୃଷ୍ଟି କରିଛି, ଯାହା ଏବେ କମ୍ପାନୀର ରାତିର ନିଦ ହଜାଇ ଦେଇଛି। ଏହା ହେଉଛି ଷ୍ଟୁଡିଓ ଘିବଲି ବା ଘିବଲି ଇମେଜ୍ । ଏହି ଫଟୋ ଏବେ ଲୋକମାନଙ୍କୁ ପାଗଳ କରିଦେଇଛି। ଏହାକୁ ବ୍ୟବହାର କରୁଥିବା ଲୋକଙ୍କର ସଂଖ୍ୟା ଏତେ ବଢ଼ି ଯାଇଛି ଯେ Open AIର ସର୍ଭରରେ ଲୋଡ ବହୁତ ବଢ଼ିଯାଇଛି। ଏପରି ପରିସ୍ଥିତିରେ, କମ୍ପାନୀର ସିଇଓଙ୍କୁ ନିଜେ ଟ୍ୱିଟ୍ କରି ଲୋକଙ୍କୁ ଅନୁରୋଧ କରିବାକୁ ପଡିଛି । ସିଇଓ କହିଛନ୍ତି ଯେ, ଦୟାକରି ଆମ ଟିମକୁ ଆରାମ କରିବାକୁ ଦିଅନ୍ତୁ ।

ଥରେ ଭାବନ୍ତୁ ତ, ଆପଣଙ୍କର ସାଧାରଣ ଏକ ଫଟୋ ମାତ୍ର କିଛି ସେକେଣ୍ଡ ମଧ୍ୟରେ ଷ୍ଟୁଡିଓ ଘିବଲିର ଯାଦୁକରୀ ଦୁନିଆରେ ପରିଣତ ହୋଇଯାଏ। ChatGPTର ନୂଆ ଇମେଜ୍ ଜେନେରେସନ୍ ଫିଚର୍ ଦ୍ୱାରା ଲୋକଙ୍କ ଏହି ସ୍ୱପ୍ନ ଏବେ ସତ ହୋଇଛି। ଏହା ଲୋକଙ୍କୁ ଏତେ ପସନ୍ଦ ଆସିଛି ଯେ, ଘିବଲି ଷ୍ଟାଇଲର ଫଟୋଗୁଡ଼ିକ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଏଥିପାଇଁ ଓପନଏଆଇ ଟିମ ଉପରେ ବହୁତ ଚାପ ପଡୁଛି। କମ୍ପାନୀର ସିଇଓ ସାମ୍ ଅଲ୍ଟମ୍ୟାନ୍ ସୋସିଆଲ ମିଡିଆ ପ୍ଲାଟଫର୍ମ X ରେ ଅପିଲ୍ କରିଛନ୍ତି, ‘ଆପଣମାନେ ଦୟାକରି ଟିକିଏ ଅପେକ୍ଷା କରିପାରିବେ, ଆମ ଦଳର ସଦସ୍ୟମାନେ ଶୋଇବାକୁ ଚାହୁଁଛନ୍ତି।’

ଘିବଲି ପ୍ରତିଛବି କିପରି କରିବେ

• ChatGPT ଆପ୍ କିମ୍ବା ୱେବସାଇଟ୍ ଖୋଲନ୍ତୁ। ତଳେ ଥିବା ‘+’ ଆଇକନ୍ ବ୍ୟବହାର କରି ଆପଣଙ୍କ ଫଟୋ ଅପଲୋଡ୍ କରନ୍ତୁ।
• ଲେଖନ୍ତୁ: ଏହାକୁ ଘିବ୍ଲିଫାଇ କରନ୍ତୁ କିମ୍ବା ଏହି ଫଟୋକୁ ଏକ ଷ୍ଟୁଡିଓ ଘିବଲି ଥିମ୍‌ରେ ପରିଣତ କରନ୍ତୁ।
• କିଛି ସମୟ ଅପେକ୍ଷା ପରେ, ଆପଣ ଘିବଲି ରୂପରେ ପ୍ରତିଛବି ପାଇବେ।
• ଯେଉଁମାନେ ମାଗଣାରେ ChatGPT ବ୍ୟବହାର କରୁଛନ୍ତି, ସେମାନେ ଦିନକୁ ତିନୋଟି ଫଟୋ ଘିବଲି କରିପାରିବେ ।