କଟକଣାରେ କଟକ କାଳୀପୂଜା; ସହରରେ ମୁତୟନ ହେବେ ୧୫ ପ୍ଲାଟୁନ୍ ଓ ୫୦ ପୋଲିସ ଅଧିକାରୀ…

କଟକ: କଟକ କାଳୀପୂଜା ପାଇଁ ପ୍ରାରମ୍ଭିକ ପ୍ରସ୍ତୁତି ସରିଛି । କମିଶନରେଟ୍ ପୋଲିସ କାଳୀପୂଜା କଟକଣା ନେଇ ସୂଚନା ଦେଇଛି । ମିଳିଥିବା ସୂଚନା ଅନୁଯାୟୀ, କୋଭିଡ୍ ଗାଇଡଲାଇନ ଆଧାରରେ ହିଁ କାଳୀପୂଜା ହେବ । ମୂର୍ତ୍ତିର ଉଚ୍ଚତା ୪ ଫୁଟ୍ ରହିପାରିବ । ସେହିଭଳି ପୂଜା ମଣ୍ଡପରେ ୭ ଜଣରୁ ଅଧିକ ଏକାଠି ହୋଇପାରିବେ ନାହିଁ । ସୁରକ୍ଷା ଦୃଷ୍ଟିରୁ ୧୫ ପ୍ଲାଟୁନ୍ ପୋଲିସ କର୍ମଚାରୀ ଓ ୫୦ ଜଣ ପୋଲିସ ଅଧିକାରୀ ଦାୟିତ୍ୱରେ ରହିବେ ।

କୋଭିଡ୍ ଗାଇଡଲାଇନ ଭାଙ୍ଗିଲେ, ଜରିମାନା ଦେବାକୁ ପଡ଼ିବ । ଅନ୍ୟପକ୍ଷରେ ବାଣ ବିକ୍ରିକୁ ଅନୁମତି ମିଳିଛି । କମିଶନରେଟ୍ ପୋଲିସର ଅନୁମତି ନେଇ ବାଣ ଦୋକାନ କରିପାରିବେ । ଦୋକାନୀଙ୍କୁ ଏଥିପାଇଁ କମିଶନରେଟ୍ ପୋଲିସ ନିକଟରେ ଆବେଦନ କରିବାକୁ ପଡିବ । ବିନା ଅନୁମତିରେ କଟକ ସହରରେ ବାଣ ବିକ୍ରି ହୋଇପାରିବ ନାହିଁ । ତେବେ କୋଭିଡ୍ ଗାଇଡଲାଇନକୁ ମାନି ପୂଜା କରିବାକୁ କମିଶନରେଟ୍ ପୋଲିସ  ଡିସିପିଙ୍କ ପକ୍ଷରୁ ଅପିଲ୍ କରାଯାଇଛି ।