ସ୍ୱରେଜ କାମ ବେଳେ ଫାଟିଲା ପିଏଚଡି ପାଣି ପାଇପ୍, ରିଂ ରୋଡରେ କୃତ୍ରିମ ବନ୍ୟା

କଟକ: ଜାଇକାର ସ୍ୱରେଜ କାମ ବେଳେ ଫାଟିଲା ପିଏଚଡି ପାଣି ପାଇପ୍ । ପୁରୀ ଘାଟରୁ ଖାନନଗର ଯାଉଥିବା ରିଂ ରୋଡରେ ଫାଟିଛି ପାଇପ୍ । ପାଇପ୍ ଫାଟି ୩୦ ଫୁଟରୁ ଅଧିକ ଉଚ୍ଚକୁ ପାଣି ଉଠୁଛି । ସ୍ଥାନୀୟ ଅଞ୍ଚଳରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଲୋକେ ଭୟଭୀତ ହୋଇ ପଡ଼ିଛନ୍ତି ।

ପିଚୁ ରାସ୍ତା ଫଟେଇ ପାଣି ସୁଅ ଉଠିବାରେ ଲାଗିଛି । ଜନଗହଳିପୂର୍ଣ୍ଣ ରିଂ ରୋଡ୍ ରାସ୍ତାରେ ଏଭଳି ଅଘଟଣା ଘଟିଥିବା ବେଳେ ଜାଇକାର କୌଣସି ଅଧିକାରୀଙ୍କୁ ଦେଖିବାକୁ ମିଳିନାହିଁ । ପାଇପ୍ ପାଣି ସୁଅ ପିଚୁ ରାସ୍ତାକୁ ଖଣ୍ଡ ଖଣ୍ଡ କରି ଦେଇଛି ।