ଆମ୍ବ ଟାକୁଆ ଜାଉ ମୃତ୍ୟୁ ଘଟଣା ପାଇଁ ସରକାର ଦାୟୀ: ସିପିଆଇଏମ୍

ଭୁବନେଶ୍ବର: ଆଦିବାସୀଙ୍କ ପ୍ରତି ମୋହନ ସରକାର କରିଛନ୍ତି ବେଇମାନୀ । ଦାରିଙ୍ଗବାଡି ଆମ୍ବ ଟାକୁଆ ଜାଉ ମୃତ୍ୟୁ ଘଟଣା ପାଇଁ ରାଜ୍ଯ ସରକାର ସମ୍ପୂର୍ଣ୍ଣ ଦାୟୀ । ରାଜ୍ଯ ସରକାରଙ୍କୁ ଏମିତି କହି ଘେରିଛି ସିପିଆଇଏମ । ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଅପାରଗତା ଉପରେ ବର୍ଷିଛନ୍ତି ସିପିଆଇଏମ ନେତା ।

୩ ମାସ ଧରି ଖାଦ୍ୟ ସୁରକ୍ଷା ଆଇନ୍ ଅନୁସାରେ ସରକାର ଚାଉଳ ଦେଲେ ନାହିଁ । ସେଥିପାଇଁ ଭୋକ ବିକଳରେ ଲୋକେ ଆମ୍ବ ଟାକୁଆ ଖାଇଲେ । ଯାହାର କରୁଣ ପରିସ୍ଥିତି ଦେଖିବାକୁ ମିଳିଛି ବୋଲି କହି ସରକାରଙ୍କୁ ଘେରିଛି ଦଳ । ସରକାର କେବଳ ବାହାସ୍ଫୋଟ ମାରୁଛନ୍ତି । ଖାଦ୍ୟ ସୁରକ୍ଷା ଆଇନର ସରକାର ଉଲ୍ଲଂଘନ କରିଛନ୍ତି । ଏ ସରକାର କେବଳ ରଙ୍ଗ ବୋଳା ସରକାର ବୋଲି କଟାକ୍ଷ କରିବା ସହିତ ଘଟଣା ପାଇଁ ମୁଖ୍ୟମନ୍ତ୍ରୀ କ୍ଷମା ମାଗିବା ଦରକାର ବୋଲି କହିଛି ସିପିଆଇଏମ । ତୁରନ୍ତ ମୃତକଙ୍କ ପରିବାରକୁ ୨୦ ଲକ୍ଷ ଲେଖାଏଁ ଟଙ୍କା କ୍ଷତିପୂରଣ ଦେବା ସହ ତାଙ୍କ ପରିବାର ଲୋକଙ୍କୁ ସରକାରୀ ଚାକିରି ଦେବାକୁ ଦଳ ଦାବି କରିଛି ।