ଏଣିକି ଘରୋଇ ହସପିଟାଲରେ ମାତ୍ର ୨୨୫ ଟଙ୍କାରେ ମିଳିବ କରୋନା ଟିକା

ନୂଆଦିଲ୍ଲୀ: ଏଣିକି ଘରୋଇ ହସପିଟାଲରେ ସ୍ୱଳ୍ପ ଦରରେ କରୋନା ଟିକା ଉପଲବ୍ଧ ହେବ।  ଭାରତୀୟ ନିର୍ମିତ ଶେରମ ଇନ୍‌ଷ୍ଟିଚ୍ୟୁଟ୍‌ର କୋଭାଶିଲ୍ଡ ଏବଂ ଭାରତ ବାୟୋଟେକର କୋଭାକ୍ସିନ୍‌ ବର୍ତ୍ତମାନ କମ୍ ମୂଲ୍ୟରେ ଘରୋଇ ଡାକ୍ତରଖାନାରେ ଉପଲବ୍ଧ ହେବ। ଏହି ୨ଟି ଟୀକାର ମୂଲ୍ୟ ଅଧାରୁ ଅଧିକ ହ୍ରାସ କରାଯାଇଛି।  ଉଭୟ ଟିକାର ଦର ଡୋଜ୍‌ ପ୍ରତି ୨୨୫ ଟଙ୍କା ଧାର୍ଯ୍ୟ କରାଯାଇଛି।

We are pleased to announce that after discussion with the Central Government, SII has decided to revise the price of COVISHIELD vaccine for private hospitals from Rs.600 to Rs 225 per dose. We once again commend this decision from the Centre to open precautionary dose to all 18+.

— Adar Poonawalla (@adarpoonawalla) April 9, 2022

ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିଇଓ ଆଦର ପୁନାୱାଲା ଟ୍ୱିଟ୍‌ କରି କହିଛନ୍ତି ଯେ ଘରୋଇ ଡାକ୍ତରଖାନା ପାଇଁ କୋଭିଡଶିଲ୍ଡ ଟିକା ମୂଲ୍ୟ ୬୦୦ ରୁ ୨୨୫ ଟଙ୍କାକୁ ହ୍ରାସ କରିବାକୁ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ନିଷ୍ପତ୍ତି ନେଇଛି। କେନ୍ଦ୍ର ସରକାରଙ୍କ ସହ ଆଲୋଚନା କରି ଏହି ନିର୍ଣ୍ଣୟ ନିଆଯାଇଛି।

Announcing #CovaxinPricing .
We welcome the decision to make available precautionary dose for all adults. In consultation with the Central Government, we have decided to revise the price of #COVAXIN from Rs 1200 to Rs 225 per dose, for #privatehospitals.??????

— Suchitra Ella (@SuchitraElla) April 9, 2022

ସେହିପରି ଭାରତ ବାୟୋଟେକର ସହ ପ୍ରତିଷ୍ଠାତା ସୁଚରିତା ଇଲ୍ଲା ମଧ୍ୟ ଟ୍ୱିଟ୍‌ କରି ଟିକା ହ୍ରାସ କରାଯିବା କଥା ଉଲ୍ଲେଖ କରିଛନ୍ତି। ପୂର୍ବରୁ କୋଭାକ୍ସିନ୍‌ ଡୋଜ୍‌ ପ୍ରତି ୧୨୦୦ ଟଙ୍କା ଥିଲାବଳେ ଏବେ ଏହା ୨୨୫ ଟଙ୍କାରେ ଉପଲବ୍ଧ ହେବ।

ଏପ୍ରିଲ ୧୦ରୁ ଘରୋଇ ଟିକା ସେଣ୍ଟରରେ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କ ପାଇଁ ବୁଷ୍ଟର କରୋନା ଟିକା ଉପଲବ୍ଧ ହେବ। ଏ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଶୁକ୍ରବାର ଘୋଷଣା କରିଛି। ଯେଉଁମାଙ୍କର ଦ୍ୱିତୀୟ ଡୋଜ୍ ନେବାର ୯ ମାସ ହୋଇଗଲାଣି ସେମାନେ ଏହି ବଷ୍ଟର ଡୋଜ୍ ନେଇପାରିବେ।