କରୋନାର ନୂଆ ଭାରିଆଣ୍ଟ ବିରୋଧରେ କୋଭିସିଲ୍ଡ କେତେ ପ୍ରଭାବୀ?
1 min read
ନୂଆଦିଲ୍ଲୀ: କରୋନା ପୁଣି ଥରେ ସମଗ୍ର ବିଶ୍ୱରେ ହଇଚଇ ସୃଷ୍ଟି କରୁଥିବା ବେଳେ ଏହାର ନୂଆ ଭାରିଆଣ୍ଟ କୁହାଯାଉଥିବା ଓମିକ୍ରନ୍ ଏବେ ମୁଣ୍ଡ ବ୍ୟଥାର କାରଣ ପାଲଟିଛି । ନୂଆ ଭାରିଆଣ୍ଟ ଆସିବା ପରେ ଆମେ ନେଇଥିବା ଟିକା କୋଭିସିଲ୍ଡ ଏବଂ କୋଭାକ୍ସିନ କେତେ କାମ ଦେଉଛି? ଏହି ଟିକା କରୋନାର ନୂଆ ଭାରିଆଣ୍ଟ ସହ ଲଢିପାରୁଛି ତ?
ଏ ନେଇ ହୋଇଥିବା ଅଧ୍ୟୟନରୁ ଜଣାପଡ଼ିଛି ଯେ, କୋଭିସିଲ୍ଡର ଉଭୟ ଡୋଜ୍ ଓମିକ୍ରନ ବିରୋଧରେ ପ୍ରଭାବଶାଳୀ ନୁହେଁ । ଏହା ପୂର୍ବରୁ ସମାନ ରିପୋର୍ଟ କୋଭାକ୍ସିନକୁ ନେଇ ବି ଆସିଥିଲା ।
ଏକ ଅଧୟନରୁ ଏହା ଜଣାପଡ଼ିଛି ଯେ, କୋଭିସିଲ୍ଡର ଦୁଇଟି ଡୋଜ ନେଇଥିବା ବ୍ୟକ୍ତି ମଧ୍ୟ ଓମିକ୍ରନର ଶିକାର ହେଉଛନ୍ତି । ଏହାର ନୂଆ ଭାରିଆଣ୍ଟ BA-1 ଶରୀରର ଆଣ୍ଟିବଡିକୁ ପ୍ରଭାବିତ କରୁଛି । ଏହାରି ଭିତରେ କୋଭିସିଲ୍ଡ ଏବଂ କୋଭାକ୍ସିନର ଉଭୟ ଡୋଜ ନେଇଥିବା ବ୍ୟକ୍ତି ବୁଷ୍ଟର ଡୋଜ୍ ନେଇଯିବା ଉଚିତ ବୋଲି ଆଇସିଏମଆରର ବିଶେଷଜ୍ଞମାନେ ପରାମର୍ଶ ଦେଇଛନ୍ତି । ଯଦି ବ୍ୟକ୍ତି ବୁଷ୍ଟର ଡୋଜ୍ ନିଅନ୍ତି ତାହାଲେ ଶରୀରର ଆଣ୍ଟିବଡି ଏହି ଭାରିଆଣ୍ଟ ଉପରେ ପ୍ରଭାବ ପକାଇପାରେ ।
