ଗଞ୍ଜାମରେ ଗମ୍ଭୀର ହେଉଛି ସ୍ଥିତି: ଜିଲ୍ଲାରେ ୨ ହଜାର ଟପିଲା ସଂକ୍ରମିତଙ୍କ ସଂଖ୍ୟା
ବ୍ରହ୍ମପୁର: ଦିନକୁ ଦିନ ଗଞ୍ଜାମରେ ଗମ୍ଭୀର ହେଉଛି ସ୍ଥିତି। ପ୍ରଥମ ଦଫାରେ କ୍ୱାରେଣ୍ଟାଇନ୍ରୁ ଆକ୍ରାନ୍ତ ଚିହ୍ନଟ ହେଉଥିବା ବେଳେ ଏବେ ଲୋକାଲ୍ କେସ ମଧ୍ୟ ତାଳ ଦେଇ ଆଗକୁ ବଢ଼ୁଛି । ଏପରିକି ରାଜ୍ୟରେ ଆଜି ସୁଦ୍ଧା ୩୪ଜଣ ପ୍ରାଣ ହରାଇଥିବା କେବଳ ଗଞ୍ଜାମରୁ ଅଛନ୍ତି ୨୦ଜଣ । ଏଭଳି ସ୍ଥିତିରେ ୨୨ଟି ବ୍ଲକ୍କୁ ନେଇ ଗଠିତ ଏହି ବଡ଼ ଜିଲ୍ଲାରେ କରୋନା ନିୟନ୍ତ୍ରଣ ପାଇଁ ୨ଜଣ ଆଇଏଏସ୍ ଓ ୮ଜଣ ଓଏଏସ୍ଙ୍କୁ ସରକାର ପଠାଇଛନ୍ତି। ସେପଟେ କାଉଡ଼ିଆଙ୍କ ବୋଲ୍ବମ୍ ଯାତ୍ରା ଉପରେ ମଧ୍ୟ ରାଜ୍ୟ ସରକାର ରୋକ୍ ଲଗାଇଛନ୍ତି। ଏନେଇ ଆଜି ସ୍ପେଶାଲ୍ ରିଲିଫ୍ କମିଶନର ଘୋଷଣା କରିଛନ୍ତି।
ଜିଲ୍ଲାରେ ୨ହଜାର ପାର୍ କରିଛି ଆକ୍ରାନ୍ତଙ୍କ ସଂଖ୍ୟା। ମୃତ୍ୟୁ ସଖ୍ୟା ପହଞ୍ଚିଲାଣି ୨୦ରେ। କରୋନା ସଂକ୍ରମଣକୁ ନିୟନ୍ତ୍ରଣକୁ ଆଣିବାକୁ ରାଜ୍ୟ ସରକାର ଦେଇଛନ୍ତି ଯ଼ୁଦ୍ଧଂଦେହି ଡାକରା । ଲକ୍ଡାଉନ୍, ସଟ୍ଡାଉନ୍ ଓ ନାଇଟ୍ କର୍ଫ୍ୟୁର କଡ଼ା କଟକଣା ପରେ ଏବେ ଜିଲ୍ଲାକୁ ପଠାଇଛନ୍ତି ଆଉ ୨ଜଣ ଆଇଏଏସ୍ ଅଫିସରଙ୍କୁ ।
ପାରୁଲ୍ ପଟ୍ଟଓ୍ୱାରୀ ଓ ବିଶାଲ୍ ସିଂହ । ଜଣେ ରହିବେ ଛତ୍ରପୁରରେ ଓ ଅନ୍ୟଜଣେ ରହିବେ ଭଞ୍ଜନଗର ସବ୍ଡିଭିଜନ୍ର ଏଡିଏମ୍ ଦାୟିତ୍ୱରେ । ସେହିପରି କୋଭିଡ୍ ପରିଚାଳନାରେ ଜିଲ୍ଲା ପ୍ରଶାସନର କାନ୍ଧରେ କାନ୍ଧ ମିଳାଇ ଆଗକୁ ଚାଲିବେ ଡେପୁଟି ସେକ୍ରେଟାରୀ ପାହ୍ୟ।ର ୬ଜଣ ଓଏଏସ୍ ଅଫିସର ।
ସେପଟେ ଗଞ୍ଜାମରୁ ଆଜି ଆଉ ତିନି ଜଣ ପ୍ରାଣ ହରାଇବା ପରେ ଆଜି ଜିଲ୍ଲାରେ କୋକୁଆ ଭୟ ଖେଳିଯାଇଛି। ସେପଟେ ଧରାକୋଟ୍ ଗ୍ରାମ ପଞ୍ଚାୟତକୁ ସରପଞ୍ଚ ୫ଦିନ ପାଇଁ ସଟଡାଉନ୍ ଘୋଷଣା କରିଛନ୍ତି। ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ସୃଷ୍ଟି ହୋଇଛି । ଶବ ଉଠିବାରେ ବିଳମ୍ବ ହେବାରୁ ଲୋକେ ରାସ୍ତାରୋକ୍ କରିଥିଲେ।
ସେପଟେ କବିସୂର୍ଯ୍ୟନଗରରେ ଗତକାଲି ଘଟିଥିଲା ଏକ ଅଭାବନୀୟ ଘଟଣା। ପୁଅର ମୃତ୍ୟୁ ଖବର ପାଇଁ ବାପମାଆ ଆତ୍ମହତ୍ୟା କରିବା ପରେ ନାରାୟଣପୁର ଶାସନରେ ଭୟର ବାତାବରଣ ଖେଳି ଯାଇଛି । ଏହାପରେ ସାରା କରିସୂର୍ଯ୍ୟନଗର ଅଞ୍ଚଳକୁ ବିଶୋଧନ କରାଯାଇଛି। ସେପଟେ ଆତଙ୍କିତ ନୁହେଁ ସଚେତନ ହୋଇ କରୋନାକୁ ମୁବାକିଲା କରିବାକୁ ସ୍ଥାନୀୟ ବିଧାୟିକା ଲୋକଙ୍କୁ ନିବେଦନ କରିଛନ୍ତି। ଅନ୍ୟପକ୍ଷରେ ରାଜ୍ୟରେ ଅନ୍ଲକ୍ ୨ ଚାଲିଥିବା ବେଳେ ଗଂଜାମ ଜିଲ୍ଲାକୁ ଯାତ୍ରୀବାହୀ ଗାଡ଼ି ଚଳାଚଳ ଉପରେ ସଂପୂର୍ଣ୍ଣ ରୋକ୍ ଲାଗିଛି । ଦୁଇ ଚକିଆ ଯାନରେ ଯାଆସ କରୁଥିଲେ ପରିଚୟ ପତ୍ର ଦେଖାଇବାକୁ ପଡୁଛି। ସେପଟେ ଆନ୍ତଃଜିଲ୍ଲା ଯାତୟତ ଉପରେ ମଧ୍ୟ କଟକଣା ଲଗା ଯାଇଛି।
