ରୂପ ବଦଳାଉଛି କୋଭିଡ ଭାରିଆଣ୍ଟ, ମ୍ୟୁଟେଟ୍ ହେଉଛି XXB.1.16 ଭାରିଆଣ୍ଟ

ନୂଆଦିଲ୍ଲୀ: ରୂପ ବଦଳାଉଛି କୋଭିଡ ଭାରିଆଣ୍ଟ । XXB.1.16 ଭାରିଆଣ୍ଟ ତୀବ୍ର ବେଗରେ ମ୍ୟୁଟେଟ୍ ହୋଇଥିବା ସୂଚନା ମିଳିଛି । ଏହାର ସବଟାଇପ୍ XXB.1.16.1 ଏବେ ଭାରତରେ ବ୍ୟାପୁଥିବା ଜଣାଯାଇଛି । ବର୍ତ୍ତମାନ ଗୁଜରାଟ ଓ ମହାରାଷ୍ଟ୍ରରେ XXB.1.16.1 ଜରିଆରେ ୧୧୩ ଜଣ ବ୍ୟକ୍ତି ସଂକ୍ରମିତ ହୋଇଥିବା କୁହାଯାଇଛି । ତେଣେ ଦେଶରେ ବଢ଼ିଚାଲିଛି କରୋନା ସଂକ୍ରମଣ । ପ୍ରତିଦିନ ବଢୁଛି କରୋନା ଗ୍ରାଫ ।

ଆଜି ଦେଶରେ ଚିହ୍ନଟ ହୋଇଛନ୍ତି ୬ ହଜାର ୧୫୫ ନୂଆ ସଂକ୍ରମିତ । ଦେଶରେ ଆକ୍ଟିଭ କେସ୍ ସଂଖ୍ୟା ହୋଇଛି ୩୧ ହଜାର ୧୯୪ । ସେପଟେ ଦୈନିକ ପଜିଟିଭିଟି ହାର ରହିଛି ୫.୬୩ ପ୍ରତିଶତ । ଚଳିତ ସପ୍ତାହରେ ପଜିଟିଭିଟି ହାର ରହିଛି ୩.୪୭ ପ୍ରତିଶତ । ଗତକାଲି ଦେଶରେ ୨୪ ଘଣ୍ଟାରେ ଚିହ୍ନଟ ହୋଇଥିଲେ ୬ ହଜାର ୫୦ ସଂକ୍ରମିତ । ଗତ ୨୪ ଘଣ୍ଟାରେ ଦେଶରେ ପ୍ରାଣ ହରାଇଛନ୍ତି ୯ ଜଣ । ଏହାସହ ଦେଶର ମୋଟ କରୋନା ଜନିତ ମୃତ୍ୟୁ ସଂଖ୍ୟା ୫ ଲକ୍ଷ ୩୦ ହଜାର ୯୫୪ରେ ପହଞ୍ଚିଛି ।