୧୨ ବର୍ଷରୁ ଅଧିକ ବୟସ୍କ ପିଲାଙ୍କ ପାଇଁ ଜାଇକୋଭ୍-ଡି’ ଟିକାକୁ ମିଳିଲା ଅନୁମତି
1 min read
ନୂଆଦିଲ୍ଲୀ: ଭ୍ୟାକ୍ସିନ୍କୁ ନେଇ ଆସିଲା ଭଲ ଖବର । ୧୨ ବର୍ଷରୁ ଅଧିକ ବୟସ୍କ ପିଲାଙ୍କ ପାଇଁ ଭାରତ ସରକାର ଆଉ ଏକ କରୋନା ଟିକାର ବ୍ୟବହାର ପାଇଁ ଅନୁମତି ଦେଇଛନ୍ତି । ଜାଇଡସ୍ କାଡିକାଲର ୩ ଡୋଜ୍ କୋଭିଡ ଟିକା ଜାଇକୋଭ୍-ଡି’ର ଜରୁରୀ ବ୍ୟବହାର ପାଇଁ ଅନୁମତି ମିଳିଛି । କେନ୍ଦ୍ର ସରକାରଙ୍କ ଟିକା ବିଶେଷଜ୍ଞ କମିଟି ଜାଇଡସର ଏହି ଟିକାକୁ ବ୍ୟବହାର ସ୍ୱୀକୃତି ଦେଇଛନ୍ତି । ୧୨ବର୍ଷରୁ ଅଧିକ ବୟସ ବର୍ଗଙ୍କୁ ଏହି ଟିକା ଦିଆଯିବ ଅହମଦାବାଦ୍ର ଏହି କମ୍ପାନୀ ଗତ ଜୁଲାଇ ୧ ତାରିଖରେ ଟିକାର ଜରୁରୀ ବ୍ୟବହାର ପାଇଁ ଡିସିଜିଆଇରେ ଆବେଦନ କରିଥିଲା । କମ୍ପାନୀ ଦେଶର ୫୦ରୁ ଅଧିକ କେନ୍ଦ୍ରରେ ଟିକାରୁ ସବୁଠୁ ଅଧିକ ନୈଦାନିକ ପରୀକ୍ଷଣ ହୋଇଥିବା କୁହାଯାଇଛି । ୧୨ ବର୍ଷରୁ ଊର୍ଦ୍ଧ୍ୱ ୧୦୦୦ ଶିଶୁଙ୍କଠାରେ ଏହି ଟିକାର ପରୀକ୍ଷଣ ହୋଇଛି । ଏହା କରୋନା ସମେତ ଦେଶର ଏବେ ୬ଟି ଟିକାର ବୃବହାର ପାଇଁ ଅନୁମତି ମିଳିଛି । କମ୍ପାନୀ କହିଛି ଏହା ବାର୍ଷିକ ୧୦ରୁ ୧୨ କୋଟି ଡାେଜ୍ ପ୍ରସ୍ତୁତ କରିବା ପାଇଁ ଯୋଜନା କରିଛି । ଏବଂ ଟିକା ଗଚ୍ଛିତ ଆରମ୍ଭ କରିଦେଇଛି । ଭାରତ ବାୟୋଟେକ୍ କୋଭାକ୍ସିନ୍ ପରେ ଏହା ଦ୍ୱିତୀୟ ସ୍ୱଦେଶୀ ଟିକା । ଏହି ଟିକା ନୂଆ ପ୍ରଜାତି ବିରୋଧରେ ଏବଂ ବିଶେଷ କରି ଡେଲ୍ଡା ପ୍ରଜାତି ବିରୋଧରେ ଫଳପ୍ରଦ ବୋଲି ଟିକା ନିର୍ମାଣକାରୀ ସଂସ୍ଥା ପକ୍ଷରୁ କୁହାଯାିଛି ।
