ଓମିକ୍ରନ୍ ଆତଙ୍କ ମଧ୍ୟରେ ଆଶ୍ୱସ୍ତିକର ଖବର, ୧୨ ବର୍ଷରୁ ଅଧିକ ପିଲାଙ୍କୁ ଦିଆଯିବ କୋଭାକ୍ସିନ

ନୂଆଦିଲ୍ଲୀ: ସାରା ବିଶ୍ୱରେ କରୋନାର ନୂଆ ଭାରିଆଣ୍ଟ ଓମିକ୍ରନ ଆତଙ୍କ ଖେଳାଉଛି । ଭାରତରେ ମଧ୍ୟ ଓମିକ୍ରନ୍ ଦ୍ରୁତ ଗତିରେ ମାଡି ଚାଲିଛି । ଓମିକ୍ରନ୍ ଆତଙ୍କ ମଧ୍ୟରେ ଆସିଛି ଏକ ଆଶ୍ୱସ୍ତିକର ଖବର । ଭାରତରେ ୧୨ରୁ ୧୮ ବର୍ଷ ପିଲାଙ୍କୁ କୋଭିଡ ଟିକା ଦିଆଯିବାକୁ ଅନୁମତି ମିଳିଛି । ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ ହୋଇଥିବା ଟିକା କୋଭାକ୍ସିନକୁ ଅନୁମିତ ଦିଆଯାଇଛି । ଏନେଇ ଭାରତ ବାୟୋଟେକୁ ଅନୁମିତ ଦେଇଛି DCGI ।

Bharat Biotech receives approval from DCGI for emergency use of its vaccine for children aged between 12-18 years: Offical Sources pic.twitter.com/WzRuUzqnUT

— ANI (@ANI) December 25, 2021

କୋଭାକ୍ସିନକୁ ଦ୍ୱିତୀୟ ଟିକା ଭାବେ ୧୮ ବର୍ଷରୁ କମ ବୟସ୍କଙ୍କୁ ପ୍ରଦାନ କରିବା ପାଇଁ ଅନୁମତି ଦିଆଯାଇଛି। ଏହା ପୂର୍ବରୁ ଭାରତ ସରକାର ଜାୟଡସ କାଡିଲା ପ୍ରସ୍ତୁତ କରିଥିବା କରୋନା ଟିକାକୁ ଛୋଟ ପିଲାମାନଙ୍କ ଉପରେ ବ୍ୟବହାର କରିବାକୁ ଅନୁମତି ଦେଇଥିଲେ। ୧୨ ଓ ତା’ ଠାରୁ ଅଧିକ ବୟସଙ୍କୁ ଜାୟଡସ କାଡିଲାର ଡିଏନଏ ଭିତ୍ତିକ ଟିକା ଦେବାକୁ ଗ୍ରୀନ ସିଗନାଲ ମିଳିଥିଲା । ଜାୟଡସ କାଡିଲା ପରେ ଏବେ ଭାରତ ବାୟୋଟେକ ଦ୍ୱାରା ପ୍ରସ୍ତୁତ ହୋଇଥିବା କୋଭାକ୍ସିନ ଯୋଡ଼ି ହୋଇଛି।