ଦଶମ ପାଠ୍ୟକ୍ରମରେ ସାମିଲ ହେବ କରୋନା ବିଷୟବସ୍ତୁ

ଭୁବନେଶ୍ୱର: ଦଶମ ପାଠ୍ୟକ୍ରମରେ ସାମିଲ ହେବ କରୋନା ବିଷୟବସ୍ତୁ । ଏବେ ରାଜ୍ୟରେ ସଂକ୍ରମଣ ବଢୁଥିବାରୁ ସତର୍କ ରହିବାକୁ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକଙ୍କୁ ପରାମର୍ଶ ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ଥଣ୍ଡା ହୋଇଥିଲେ ପିଲାମାନେ ସ୍କୁଲ ଆସନ୍ତୁ ନାହିଁ । ସବୁ ଥଣ୍ଡା ଜ୍ଵର କୋଭିଡ୍‌ ନୁହେଁ । କିନ୍ତୁ ସ୍ୱାସ୍ଥ୍ୟ ବିଭାଗର ପରାମର୍ଶ ଅନୁଯାୟୀ ଅଭିଭାବକଙ୍କୁ କୁହାଯାଇଛି, ଥଣ୍ଡା ଜ୍ବର ହୋଇଥିଲେ ପିଲାଙ୍କୁ ସ୍କୁଲ ନଛାଡ଼ନ୍ତୁ ।

ଅନ୍ୟପଟେ ୨୦୨୨-୨୩ ଶିକ୍ଷାବର୍ଷ ପାଇଁ ସ୍କୁଲ କୋର୍ସ ପାଟର୍ଣ୍ଣ  ଦିଆସରିଛି । ଏଥର ୧୦୦ ମାର୍କ ପରୀକ୍ଷା ହେବ । ଯେମିତି ସମେଟିଭ ୧ ଓ ୨ ହେଉଥିଲା, ସେହି ଅନୁସାରେ ପରୀକ୍ଷା କରାଯିବ ବୋଲି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି । ଜୀବ ବିଜ୍ଞାନ ବହିରେ ପୂର୍ବରୁ ୧୦ଟି ବିଷୟ ରହିଥିଲା ହେଲେ ଏବେ ବିଶ୍ୱ ମହାମାରୀ କୋଭିଡ୍ ୧୯ ଓ ତାହାର ପରିଚାଳନା ନାମକ ଏକ ନୂତନ ଅଧ୍ୟାୟ ଯୋଡ଼ା ହୋଇଛି  । ଏଥିସହ ଜୀବନ ବିଜ୍ଞାନରେ ଅଧ୍ୟାୟ ସଂଖ୍ୟା ୧୧ ହୋଇଯିବ । ସେହିପରି ଭୂଗୋଳରେ ମଧ୍ୟ ଆଉ ଏକ ଅଧ୍ୟାୟ ଯୋଡା ଯାଇଥିବା ନେଇ ସୂଚନା  । ଜଳବାୟୁ ଜନିତ ବିପତ୍ତି ଏବଂ ପରିଚାଳନା ଜନିତ ଏକ ନୂତନ ଅଧ୍ୟାୟ ଯୋଡା ହୋଇଥିବା ସୂଚନା ।