ରାଜଧାନୀରେ ୫ ହଜାର ପାର ହେଲା କରୋନା ସଂକ୍ରମିତଙ୍କ ସଂଖ୍ୟା, ଆଜି ୨୭୭ ପଜିିଟିଭ୍ ଓ ୧୩୩ ସୁସ୍ଥ

ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ଗତ ୨୪ ଘଣ୍ଟା ମଧ୍ୟରେ ୨୭୭ ପଜିଟିଭ୍ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ ମଧ୍ୟରେ କ୍ୱାରେଣ୍ଟାଇନରୁ ୧୮୧ ଜଣ ଚିହ୍ନଟ ହୋଇଥିବା ବେଳେ ୯୬ ଜଣ ସ୍ଥାନୀୟ ସଂକ୍ରମଣ ଅଟନ୍ତି । ସଂକ୍ରମିତ ହୋଇଥିବା ସମସ୍ତଙ୍କ ବ୍ୟକ୍ତିଙ୍କୁ ବିଏମସିର ତତ୍ତ୍ୱାବଧାନରେ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଅନ୍ୟପକ୍ଷରେ ସୁସ୍ଥଙ୍କ ସଂଖ୍ୟା ମଧ୍ୟ ପ୍ରକାଶ ପାଇଛି । ୧୩୩ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।

Update on newly detected & cured #COVID19 cases in the last 24 hrs under the BMC area on 15th Aug 2020(till 9am).

Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/UXtaEQCphH

— BMC (@bmcbbsr) August 15, 2020

ଅନ୍ୟପକ୍ଷରେ ଭୁବନେଶ୍ୱରର ମୋଟ ସଂକ୍ରମିତଙ୍କ ସଂଖ୍ୟା ଆଜିକୁ ମିଶାଇ ୫ହଜାର ଡେଇଁଛି । ତେବେ ଏମାନଙ୍କ ମଧ୍ୟରୁ ଏବେ ସକ୍ରିୟ ସଂକ୍ରମିତ ହେଲେ ୧୮୩୯ । ବାକି ୩୨୫୧ ଜଣ ସୁସ୍ଥ ହୋଇ ସାରିଲେଣି । ଭୁବନେଶ୍ୱର କରୋନା ସଂକ୍ରମଣର ଶୀକାର ହୋଇ ୨୩ ଜଣ ମୃତ ଘୋଷିତ ହେଲେଣି । ସୂଚନାଯୋଗ୍ୟ ଯେ ଗଞ୍ଜାମ ପରେ ଖୋର୍ଦ୍ଧା ଜିଲ୍ଲାରେ ସବୁଠାରୁ ଅଧିକ ସଂକ୍ରମିତ ଦେଖିବାକୁ ମିଳୁଛନ୍ତି । ଖୋର୍ଦ୍ଧା ଜିଲ୍ଲାର ଗ୍ରାମାଞ୍ଚଳରେ ସଂକ୍ରମଣ ଅପେକ୍ଷାକୃତ ଭାବେ ଭୁବନେଶ୍ୱରଠାରୁ କମ୍ ରହିଛି । ତେବେ ସଂକ୍ରମଣକୁ କାବୁ କରିବା ପାଇଁ ଭୁବନେଶ୍ୱର ମ୍ୟୁନିସିପାଲିଟି କର୍ପୋରେସନ ସବୁ ପ୍ରକାର ଉଦ୍ୟମ କରୁଛି । ତେବେ ଏବେ କିଛି ଦିନ ବିଏମସିର ସବୁ ଉଦ୍ୟମ ସତ୍ତ୍ୱେ ମଧ୍ୟ ରାଜଧାନୀରେ ସଂକ୍ରମଣ ଉପର ମୁହାଁ ହୋଇଛି ।