କୋହଳ ହେଲା କଟକଣା, ବଢ଼ିଲା ଜରିମାନା: ମାସ୍କ ନ ପିନ୍ଧିଲେ ୫ ହଜାର ଟଙ୍କା ତଣ୍ଡ ଗଣିବେ

ଭୁବନେଶ୍ୱର: କରୋନା ମୁକାବିଲା ସହ ଆର୍ଥିକ ଗତିବିଧି ସ୍ୱାଭାବିକ କରିବା ଉପରେ ରାଜ୍ୟ ସରକାରଙ୍କ ଗୁରୁତ୍ୱ । ହେଲେ ୯୦ ପ୍ରତିଶତ ଲୋକେ ଗାଇଡଲାଇନ୍ ମାନନୁଥିବା କହିଲେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ।  ଏଣୁ କୋଭିଡ ନିୟମ ଉଲ୍ଲଘଂନ କରୁଥିବା ଲୋକଙ୍କ ଠାରୁ ଆଦାୟ ହେବ ମୋଟା ଆଙ୍କର ଜରିମାନା । ମାସ୍କ ନ ପିନ୍ଧିଲେ ପ୍ରଥମ ଓ ଦ୍ୱିତୀୟ ଥର ୧ ହଜାର ଏବଂ ତୃତୀୟ ଥରରେ ୫ହଜାର ଟଙ୍କା ଜରିମାନା ଆଦାୟ କରାଯିବ ବୋଲି କହିଛନ୍ତି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ । କୋଭିଡ ନିୟମ ଉଲ୍ଲଘଂନ କରିବ ବାହାଘର କଲେ ୧୦ ହଜାର ଟଙ୍କା ଜରିମାନା ଆାଦୟ କରାଯିବ । ଏବଂ ଏହି ଜରିମାନା ରାଶି ବୃଦ୍ଧି କରାଯିବା ଉପରେ ଚିନ୍ତା କରାଯାଉଥିବା କହିଛନ୍ତି ଅସିତ ତ୍ରିପାଠୀ । କୌରସି ଦୋକାନ ନିୟମ ଉଲ୍ଲଘଂନ କଲେ ପ୍ରଥମ ଥରରେ ୧୦ ହଜାର ଟଙ୍କା ଜରିମାନା ଆଦାୟ ସହ ୧ ସପ୍ତାହ ପାଇଁ ଦୋକାନ ସିଲ୍ ହେବ ଏବଂ ପରବର୍ତ୍ତୀ ସମୟରେ ଏହାକୁ ୧ ମାସ ପର୍ଯ୍ୟନ୍ତ ସିଲ୍ କରାଯିବ ।