ଜୁଲାଇ ମଧ୍ୟ ଭାଗରେ କମିବ ସଂକ୍ରମଣ, ସର୍ଭିଲାନ୍ସ ଓ ଟ୍ରେସିଂ ଉପରେ ଗୁରୁତ୍ୱ

ଭୁବନେଶ୍ୱର: ରାଜ୍ୟରେ ଦୈନିକ ସଂକ୍ରମଣ ମାମଲା ୩ ହଜାର ଉପରେ ରହିଛି । ଜୁଲାଇ ମଧ୍ୟଭାଗ ସୁଦ୍ଧା ସଂକ୍ରମଣ ମାମଲା ଖସିବା ନେଇ ଆଶା ରଖିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ । ସଂକ୍ରମଣ ରୋକିବାକୁ ସରକାର ୩ଗୋଟି ପିଲାର ନିର୍ଦ୍ଧାରଣ କରିଛନ୍ତି । ଟ୍ରିଟମେଣ୍ଟ ସହ ସର୍ଭିଲାନ୍ସ ଓ କଣ୍ଟାକ୍ଟ ଟ୍ରେସିଂକୁ ଗୁରୁତ୍ୱ ଦିଆ ଯାଉଥିବା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।

ଲକଡାଉନ ଆଂଶିକ କୋହଳ ହୋଇଛି । ‘ବି’ ବର୍ଗରେ ଖିବା ଜିଲ୍ଲା ଗୁଡ଼ିକରେ କଟକଣା କଡ଼ାକଡ଼ି କରାଯାଇଛି । ୧୦ ଜିଲ୍ଲାରେ କୋଭିଡ୍ ବ୍ୟାପୁଛି । ଏହାର କାରଣ ହେଲା ଭାଇରସକୁ ଯେଉଁ ପରିବେଶ ଦରକାର ତାହା ଏଠି ମିଳୁଛି । ତଥାପି ଆମ ପାଇଁ ଭଲ ଖବର ହେଉଛି ପୂର୍ବରୁ ‘ବି’ ବର୍ଗରେ ଥିବା ଜିଲ୍ଲା ମଧ୍ୟ ‘ଏ’କୁ ଯାଇଛନ୍ତି । ଜୀବନ ଓ ଜୀବିକାକୁ ଗୁରୁତ୍ୱ ଦେଇ ସରକାର କଟକଣା କୋହଳ କରିଛନ୍ତି । ସମସ୍ତେ ଗାଇଡଲାଇନ୍ ମାନିଲେ ସଂକ୍ରମଣ ନିଶ୍ଚିତ କମିବ ।

ଗର୍ଭବତୀ ମାନଙ୍କୁ ଟିକାକରଣ ପାଇଁ ନିର୍ଦ୍ଦେଶ ଆସିଛି ତାହା ଆରମ୍ଭ କରାଯିବ । ଅମାନିଆଙ୍କୁ ସ୍ୱାସ୍ଥ୍ୟ ବିଭାଗର ଅନୁରୋଧ ଗାଇଡଲାଇନ୍ ଉଲ୍ଲଂଘନ କରନ୍ତୁ ନାହିଁ । ଏବେ ୫୦୦ ରୋଗୀ ଭେଣ୍ଟିଲେଟରରେ ଥିବାବେଳେ ଆଇସିୟୁରେ ୨ ହଜାର ଆକ୍ରାନ୍ତ ଅଛି । ତେଣୁ ମୃତ୍ୟୁ ସଂଖ୍ୟା ଧିରେ ଧିରେ କମିବ ବୋଲି ଆଶା କରାଯାଉଛି ।