ଅମାନିଆ ହେଲେ ଓଡ଼ିଶା ଭୋଗିବ ପଶ୍ଚିମବଙ୍ଗ ସ୍ଥିତି

ଭୁବନେଶ୍ୱର: ଅମାନିଆ ହେଲେ ଓଡ଼ିଶା ଭୋଗିବ ପଶ୍ଚିମବଙ୍ଗ ସ୍ଥିତି । ରାଜ୍ୟରେ କରୋନା ନିୟନ୍ତ୍ରଣରେ ରହିଥିଲେ ମଧ୍ୟ ବିପଦ ଟଳିନାହିଁ । ଏଭଳି ସମୟରେ କେତେକ ଅମାନିଆ କଟକଣା ମାନୁନଥିବା ଦେଖିବାକୁ ମିଳିଛି । ରାଜଧାନୀ ଭୁବନେଶ୍ବରରେ ଅଧିକ ଲୋକ ଅମାନିଆ ହେଉଥିବା ଦେଖିବାକୁ ମିଳିଛି । ଫଳରେ ରାଜଧାନୀରେ କରୋନା ସଂକ୍ରମଣ କମିବାର ନାଁ ନେଉନାହିଁ । ଶତପ୍ରତିଶତ ଟିକାକରଣ ହୋଇଥିଲେ ମଧ୍ୟ କେତେକ ଲୋକଙ୍କ ବେପରୁଆ ନୀତି ପୁଣି ବିପଦକୁ ଆମନ୍ତ୍ରଣ କରୁଛି । କଟକଣା ଓ ସଚେତନତା ସତ୍ତ୍ବେ ରାଜଧାନୀରେ ଲକ୍ଷଣହୀନ କୋଭିଡ୍ ରୋଗୀ ବିନାମାସ୍କରେ ବୁଲୁଛନ୍ତି ।

କୋଭିଡ୍ ନିୟମ କଡ଼ାକଡ଼ି ନକଲେ ଦଶହରା ପରେ ପଶ୍ଚିମବଙ୍ଗରେ କୋଭିଡ୍ ସ୍ଥିତି ଯେପରି ହୋଇଛି ଓଡ଼ିଶାରେ ମଧ୍ୟ ସେପରି ହୋଇପାରେ ବୋଲି ସ୍ବାସ୍ଥ୍ୟ ବିଶେଷଜ୍ଞ ଆକଳନ କରିଛନ୍ତି । ଏବେ ଓଡ଼ିଶାରେ ସ୍ଥିତି ଭଲ ଥିଲେ ମଧ୍ୟ ନିୟମ ମାନିବାକୁ ପଡିବ । ଆଗାମୀ ୨ରୁ୩ ମାସ ନିୟମ ଠିକ ଭାବେ ପାଳନ କଲେ ମହାମାରୀ ଆଉ ଫେରିବ ନାହିଁ ବୋଲି ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି । ସେପଟେ ଖୁବଶୀଘ୍ର ଦୀପାବଳି ପାଇଁ ଗାଇଡଲାଇନ୍କୁ ଜାରି କରିବେ ରାଜ୍ୟ ସରକାର ।