ଇଫ୍କୋ ପାରାଦୀପ ୟୁନିଟ୍ରେ ଉଦ୍ଘାଟିତ ହେଲା ୩୬ଟି ଶଯ୍ୟା ବିଶିଷ୍ଟ କୋଭିଡ କେୟାର ସେଂଟର
ପାରାଦୀପ: ପାରାଦୀପରେ ଖୁବ୍ କମ ସମୟ ମଧ୍ୟରେ ୩୬ଟି ଶଯ୍ୟା ବିଶିଷ୍ଟ କୋଭିଡ କେୟାର ସେଣ୍ଟର ଉଦଘାଟିତ ହୋଇଛି । ଏହି ସେଣ୍ଟରକୁ ଉଦଘାଟନ କରିଛନ୍ତି ଜିଲ୍ଲା ମାଜିଷ୍ଟ୍ରେଟ୍ ଡା. କାହ୍ନୁ ଚରଣ ଧୀର୍ (ଏଡିଡିଏଲ), ପାରାଦୀପ ଏବଂ ଇଫକୋର କାର୍ଯ୍ୟନିର୍ବାହୀ ନିର୍ଦ୍ଦେଶକ କେ.ଜେ ପଟେଲ । ଚିକିତ୍ସାଳୟ କର୍ମଚାରୀ ଏବଂ ପରିଚାରକଙ୍କ ଦ୍ୱାରା ଏହା ସ୍ଥାପନ ହୋଇଛି । ସମସ୍ତ କୋଭିଡ୍ ନିର୍ଦ୍ଦେଶାବଳୀ, ଉପଯୁକ୍ତ ସାନିଟାଇଜେସନ, ସ୍ୱଚ୍ଛତା କକ୍ଷ, ପରିଷ୍କାର ଏବଂ ନିରାପଦ ପରିବେଶରେ ରୋଗୀଙ୍କୁ ସେବା କରିବା ପାଇଁ ବିଭିନ୍ନ ପଦକ୍ଷେପ ନେଇଛି ଇଫକୋ ।
ଏହି ଅବସରରେ ସୁରେଶ ଗୋୟଲ, ଜେନେରାଲ ମ୍ୟାନେଜର (ଫାଇନାନ୍ସ), ଏସ୍.ଡି ଶର୍ମା, ଜେନେରାଲ ମ୍ୟାନେଜର (କାର୍ଯ୍ୟନିର୍ବାହୀ), ଏ.କେ.ମଲ, ଜେଟି.ଜେନେରାଲ ମ୍ୟାନେଜର (ପି ଏବଂ ଏ), ଡା.ପୁଷ୍ପା ମହାନ୍ତି, ଚିଫ୍ ମେଡିକାଲ ଅଫିସର, ଜି.ସି.ଆଚାର୍ଯ୍ୟ, ଡିଜିଏମ୍ (ଏଚ୍ଆର୍), ମଙ୍ଗଲ ମୂର୍ତ୍ତି, ସଭାପତି, ଇଫକୋ ଅଫିସର୍ସ ଆସୋସିଏସନ୍, ଶୁବାଶିଷ ମିଶ୍ର, ଜେନେରାଲ ସେକ୍ରେଟାରୀ ଇଫକୋ ଆେସାସିଏସନ, ଶୁଭେନ୍ଦୁ ମାଝୀ, ସଭାପତି, ଇଫକୋ ଅଧିକାରୀ ସଙ୍ଘ, ଟି.ଆର ପୁହାନ୍ (ସାଧାରଣ ସଚିବ) ଏବଂ ଇଫକୋର କମର୍ଚାରୀମାନେ ଉପସ୍ଥିତ ଥିଲେ ।
