ରାଜ୍ୟରେ କୋଭିଡ଼ ସ୍ଥିତି ଭଲ ଅଛି: ସ୍ୱାସ୍ଥ୍ୟ ନିର୍ଦ୍ଦେଶକ

ଭୁବନେଶ୍ୱର: ଦେଶରେ କୋଭିଡ଼ ମାମଲା ଦିନକୁ ଦିନ ବଢୁଥିବା ବେଳେ ଆଇଆଇଟି କାନପୁରରର ତଥ୍ୟ ଆତଙ୍କିତ କରିଦେବ। କୌଣସି ସ୍ଥାନ କରୋନା ମୁକ୍ତ ନୁହେଁ। କିଛି କିଛି ସ୍ଥାନରେ କରୋନା ରହିବ। ହେଲେ ସମ୍ଭାବ୍ୟ ଚତୁର୍ଥ ଲହର ଆସିଲେ ପୂର୍ବ ପରି ବ୍ୟାପିବ ନାହିଁ ବୋଲି ଆଇଆଇଟି କାନପୁରର ତଥ୍ୟ କହୁଛି । ଦିଲ୍ଲୀକୁ କରୋନା ଆସିବା ପ୍ରାୟ ମାସେ ହେଲାଣି। ହେଲେ ଏଯାଏ ରାଜ୍ୟରେ ଏହାର ପ୍ରଭାବ ପଡ଼ିନାହିଁ।

ରାଜ୍ୟରେ ସିଭିଆରୀଟି ନାହିଁ, ହସ୍ପିଟାଲାଇଜେସନ ନାହିଁ। ରାଜ୍ୟ ଏବେ ଭଲ ସ୍ଥିତିରେ ଅଛି । ତେଣୁ ଆତଙ୍କିତ ହେବାର ନାହିଁ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ପୂର୍ବରୁ ଆଇଆଇଟି କହିଥିଲା ଜୁନରେ ଚତୁର୍ଥ ଲହର ଆସିବ ବୋଲି । ଏବେ ଯଦି ଏହା ଆସେ ବିଶେଷ ପ୍ରଭାବ ପକାଇବ ନାହିଁ । ଦୁଇ ଦିନ ତଳେ ଆସିଥିବା ତଥ୍ୟ କହୁଛି କରୋନା ଆକ୍ରାନ୍ତ ବର୍ତ୍ତମାନ ଗୁରୁତର ହେଉନାହାନ୍ତି। ଯେଉଁଠି କରୋନା ସଂକ୍ରମିତ ଚିହ୍ନଟ ହେଉଛନ୍ତି ସେଠାରେ ପଦକ୍ଷେପ ନିଆଯିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ସୂଚନା।