Covid 4th Wave:  ଭାରତରେ ତିନି ମାସରେ ପ୍ରଥମ ଥର ୧ ପାର୍‌ କଲା ଆର୍‌ ଭାଲ୍ୟୁ, ଦ୍ରୁତ ଗତିରେ ବଢ଼ୁଛି ସଂକ୍ରମଣ

1 min read

ନୂଆଦିଲ୍ଲୀ: ଭାରତର ପ୍ରଭାବିତ Reproduction Number(R) ଗତ ତିନି ମାସରେ ୧ ପାର୍‌ କରିଛି ।  ତେବେ କୋଭିଡ ସଂକ୍ରମଣ ଭାରତରେ କେତେ ଦ୍ରୁତ ଗତିରେ ବଢ଼ୁଛି ଏହା ତାହାର ସଙ୍କେତ । ଚେନ୍ନାଇର Institute Of Mathemetical Sciencesର ଗବେଷକ ଏହି ରିପୋର୍ଟ ପ୍ରଦାନ କରିଛନ୍ତି ।

ଗତ କିଛି ସପ୍ତାହ ହେବ ଦ୍ରୁତ ଗତିରେ ବଢ଼ୁଛି ଆାର ଭାଲ୍ୟୁ । ଗବେଷକ ସୀତାଭ୍ର ସିହ୍ନାଙ୍କ ଅନୁସାରେ ଏହା ଏପ୍ରିଲ ୧୨ରୁ ଏପ୍ରିଲ ୧୮ ମଧ୍ୟରେ  ୧.୦୭ରେ ପହଞ୍ଚିଛି । ଏପ୍ରିଲ ୫ରୁ ଏପ୍ରିଲ ୧୧ ମଧ୍ୟରେ ଆର ଭାଲ୍ୟୁ ଥିଲା ୦.୯୩ ।

ଆର ଭାଲ୍ୟୁ ବଢ଼ିବା ପଛର କାରଣ କେବଳ ଦିଲ୍ଲୀ ନୁହେଁ ବରଂ ହରିୟାଣା ଏବଂ ଉତ୍ତରପ୍ରଦେଶ ମଧ୍ୟ ଏଥିପାଇଁ ଦାୟୀ । ତେବେ ମହାମାରୀ ଆରମ୍ଭ ହେବା ଦିନରୁ ଏହାକୁ ନେଇ ଆକଳନ କରି ଆସୁଥିବା ଗଣିତଜ୍ଞ ନିକଟରେ ଏକ ସାକ୍ଷାତକାରରେ ଏହି ସୂଚନା ଦେଇଛନ୍ତି ।

ଆର ଭାଲ୍ୟୁ ୧ ପାର୍‌ କରିବାର ଅର୍ଥ ହେଉଛି ସଂକ୍ରମଣ ଦ୍ରୁତ ବେଗରେ ବଢ଼ୁଛି । ଯାହା ୧ ମଧ୍ୟରେ ରହିବା ଉଚିତ୍‌ । ୧ ତଳକୁ ଆର ଭାଲ୍ୟୁ ରହିଲେ ବୁଝିନେବାକୁ ପଡ଼ିବଯେ, ସଂକ୍ରମଣ ତଳମୁହାଁ ରହିଛି । ତେବେ ଏହାକୁ କମ୍‌ କରିବାକୁ ହେଲେ ଲୋକଙ୍କୁ ଅଧିକ ସଚେତନ ହେବାକୁ ପଡ଼ିବ । ଏହା ସହିତ ମାସ୍କ ପିନ୍ଧିବା ଏବଂ ସାମାଜିକ ଦୂରତାକୁ ଅଧିକ ଗୁରୁତ୍ୱ ଦେବାକୁ ପଡ଼ିବ ବୋଲି ସିହ୍ନା କହିଛନ୍ତି ।

About Post Author

[DISPLAY_ULTIMATE_SOCIAL_ICONS]