କରୋନା ଟିକାକରଣ ପାଇଁ ପ୍ରସ୍ତୁତି ଶେଷ ହୋଇଥିବା ବେଳେ ଏବେ ୧୬ତାରିଖକୁ ଅପେକ୍ଷା
1 min read
ଭୁବନେଶ୍ୱର: କରୋନା ଟିକାକରଣ ପାଇଁ ସରିଛି ପ୍ରସ୍ତୁତି, ଅପେକ୍ଷା ଏବେ ୧୬ ତାରିଖକୁ । କରୋନା ଟିକାକରଣର ଦୁଇ ତିନି ଦିନ ପୂର୍ବରୁ ରାଜ୍ୟକୁ ଟିକା ଆସିପାରେ । ଓଡ଼ିଶାର ୧୬୦ଟି ସ୍ଥାନରେ ଟିକାକରଣ ହେବ । ଦୁଇଟି ଜାଗାରେ ଟୁୱେ କମ୍ୟୁନିକେସନ ରହିବ । ଡିଏଚଏଚ ସୁନ୍ଦରଗଡ଼ ଓ କ୍ୟାପିଟାଲ ହସ୍ପିଟାଲରେ ଏହି ବ୍ୟବସ୍ଥା ରହିବ । ଏଠାରୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଟିକାକରଣ ସମ୍ପର୍କରେ ସିଧାସଳଖ ଫିଡ୍ବ୍ୟାକ୍ ନେଇପାରିବ । ଟିକାକରଣ ପରିଚାଳନା ପାଇଁ ରାଜ୍ୟସ୍ତରରେ ଷ୍ଟେଟ୍ ମନିଟରିଂ ଟିମ୍ ଗଠନ ହୋଇଛି । ଟିମ୍ ଜିଲ୍ଲାସ୍ତରକୁ ଯାଇ ମନିଟରିଂ କରିବେ । କରୋନା ଟିକାକରଣ ପାଇଁ ୧୭, ୧୮ ଓ ୧୯ ତାରିଖରେ ହେବାକୁ ଥିବା ପଲସ ପୋଲିଓ ଟିକାକରଣ କାର୍ଯ୍ୟକ୍ରମକୁ ସ୍ଥଗିତ ରଖାଯାଇଛି ।
ଏହାସହ ରାଜ୍ୟର ୨ଟି ଜାଗାରେ ଟୁ-ୱେ କମ୍ୟୁନିକେସନ୍ ରହିବ ବୋଲି ଜଣାପଡ଼ିଛି । DHH ସୁନ୍ଦରଗଡ଼ ଓ କ୍ୟାପିଟାଲ ହସ୍ପିଟାଲରେ ରହିବ ଏହି ବ୍ୟବସ୍ଥା । ଏନଆଇସି କି ଜୁମ୍ ମିଟିଂ ଜରିଆରେ ପ୍ରଧାନମନ୍ତ୍ରୀ ପ୍ରଥମ ପର୍ଯ୍ୟାୟରେ ଟିକା ନେଇଥିବା ସ୍ଵାସ୍ଥ୍ୟ କର୍ମୀଙ୍କଠାରୁ ଫିଡ୍ଵ୍ୟାକ ନେବେ । ମୁଖ୍ୟତଃ କ୍ୟାପିଟାଲ ହସ୍ପିଟାଲ ଓ DHH ସୁନ୍ଦରଗଡରେ କାମ କରୁଥିବା ସ୍ୱାସ୍ଥ୍ୟ କର୍ମୀଙ୍କୁ ପଚରାଯିବ । ଏହାଦ୍ୱାରା ସେମାନଙ୍କ ଟିକା ନେବା ପରେ ଅନୁଭୂତି ଜାଣି ହେବ । ପାର୍ଶ୍ୱ ପ୍ରତିକ୍ରିୟା ସଂପର୍କରେ ଜଣାପଡ଼ିବ ବୋଲି କ୍ୟାପିଟାଲ୍ ହସପିଟାଲ ନିର୍ଦ୍ଦେଶକ କହିଛନ୍ତି ।
