ଟିକା ନେବା ପାଇଁ ଆଜିଠୁ ପଞ୍ଜିକରଣ କରିପାରିବେ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କ

COVID-19 Vaccination registration for all adults starts today

ଭୁବନେଶ୍ୱର: ମେ’ ୧ ତାରିଖରୁ ଟିକା ନେବେ ୧୮ ବର୍ଷରୁ ଊର୍ଦ୍ଧ୍ୱ ବୟସ୍କ । ଏ ନେଇ ଆଜିଠୁ ଆରମ୍ଭ ହେବ ପଞ୍ଜିକରଣ । କିନ୍ତୁ ସ୍ଲଟ୍‌ କାହାକୁ ଦିଆଯିବ ନାହିଁ । କାରଣ ରାଜ୍ୟର ୩୦ ଜିଲ୍ଲାରେ କୋଭିସିଲ୍ଡ ଟିକା ନାହିଁ । ପର୍ଯ୍ୟାପ୍ତ କୋଭାକ୍ସିନ ଥିବାରୁ କେବଳ ଭୁବନେଶ୍ବର ମହାନଗର ନିଗମ ଅଞ୍ଚଳରେ ହିଁ ମେ’ ପହିଲାରୁ ତୃତୀୟ ପର୍ଯ୍ୟାୟ ଟିକାକରଣ ହୋଇପାରିବ । ଅଧିକ ଟିକା ଦେବା ପାଇଁ କେନ୍ଦ୍ରକୁ ଚିଠି ଲେଖିଛନ୍ତି ସରକାର । ତେବେ ଟିକା ଅଭାବ କାରଣରୁ ଧିରେ ଧିରେ ବନ୍ଦ ହେଉଛି ଟିକାକରଣ କେନ୍ଦ୍ର ।

COVID-19: Vaccination registration for all adults starts today

ମୁଖ୍ୟତଃ କୋଭିସିଲ୍ଡ ଟିକା ଅଭାବରୁ ଲୋକ ଟିକା କେନ୍ଦ୍ରରୁ ଫେରୁଛନ୍ତି । ଗୋଟିଏ କି ୨ଟି ସ୍ଥାନ ନୁହେଁ, ବିଭିନ୍ନ ସ୍ଥାନରେ କୋଭିସିଲ୍ଡ ଟିକା ଅଭାବରୁ ଟିକାକରଣ ବାଧାପ୍ରାପ୍ତ ହୋଇଛି । ଯେଉଁ ୧ ଲକ୍ଷ ୨୩ ହଜାର ଟିକା ଅଛି, ତାହା ଆଜି ହିଁ ସରିଯିବାର ସମ୍ଭାବନା ରହିଛି । ତୁରନ୍ତ ଟିକା ନ ଆସିଲେ, ସାରା ରାଜ୍ୟରେ ଟିକାକରଣ ବନ୍ଦ ହୋଇପାରେ । ସେପଟେ ଟିକା ଅଭାବ ଯୋଗୁ ମେ’ ପହିଲାରୁ ଆରମ୍ଭ ହେବାକୁ ଥିବା ୧୮ରୁ ୪୪ ବର୍ଷ ବୟସ୍କଙ୍କ ଟିକାକରଣ ନେଇ ସନ୍ଦେହ ଦେଖାଦେଇଛି ।

Leave a Reply