କୋଭିଡ୍ ଟିକା ନେଇପାରିବେ ଛୁଆଙ୍କୁ ସ୍ତନ୍ୟପାନ କରାଉଥିବା ମହିଳା
1 min read
ନୂଆଦିଲ୍ଲୀ: NEGVACର ସୁପାରିସକୁ କେନ୍ଦ୍ର ସରକାର ଗ୍ରହଣ କରିଛନ୍ତି । ବିଶ୍ୱରେ କରୋନା ସ୍ଥିତି, ଟିକାକରଣ ଆଦିରେ ହୋଇଥିବା ଅଧ୍ୟୟନ ଓ ଅଭିଜ୍ଞତା ଭିତ୍ତି କରି NEGVAC ସରକାରଙ୍କୁ କିଛି ସୁପାରିସ୍ କରିଥିଲା । ଯାହାକୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଗ୍ରହଣ କରିଛି ।
ନୂଆ ନିୟମ ଅନୁଯାୟୀ, କୋଭିଡରୁ ସୁସ୍ଥ ହେବାର ୩ ମାସ ପରେ କୋଭିଡ୍ ଟିକା ନେଇ ପାରିବେ । ଯେଉଁମାନେ କୋଭିଡ୍ ଚିକିତ୍ସା ବେଳେ ପ୍ଲାଜମା ନେଇଥିବା ସେମାନେ ମଧ୍ୟ ହସ୍ପିଟାଲରୁ ଡିସଚାର୍ଜ ହେବାର ୩ ମାସ ପରେ ଟିକା ନେବେ । ପ୍ରଥମ ଡୋଜ୍ ଟିକା ନେବା ପରେ କୋଭିଡ୍ ସଂକ୍ରମିତ ହୋଇଥିଲେ ନିର୍ଦ୍ଧାରିତ ସମୟରେ ଦ୍ୱିତୀୟ ଡୋଜ୍ ଟିକା ନେବେ ନାହିଁ । କୋଭିଡରୁ ସୁସ୍ଥ ହେବାର ୩ ମାସ ପରେ ଟିକା ନେଇପାରିବେ ।
କେହି ବ୍ୟକ୍ତି କୌଣସି ଗମ୍ଭୀର ରୋଗରେ ଆକ୍ରାନ୍ତ ହୋଇ ହସ୍ପିଟାଲ କିମ୍ବା ଆଇସିୟୁରେ ଭର୍ତ୍ତି ହୋଇଥିଲେ । ୪ରୁ ୮ ସପ୍ତାହ ପରେ କୋଭିଡ୍ ଟିକା ନେବେ । ଜଣେ ବ୍ୟକ୍ତି ଟିକା ନେବାର ୧୪ ଦିନ ପରେ ରକ୍ତଦାନ କରିପାରିବେ । ଛୁଆଙ୍କୁ ସ୍ତନ୍ୟପାନ କରାଉଥିବା ସମସ୍ତ ମହିଳା କୋଭିଡ୍ ଟିକା ନେଇପାରିବେ । କୋଭିଡ୍ ଟିକା ନେବା ପୂର୍ବରୁ ଆଣ୍ଟିଜେନ୍ ଟେଷ୍ଟର ଆବଶ୍ୟକତା ନାହିଁ । ତେବେ ଗର୍ଭବତୀ ମହିଳା ଟିକା ନେବେ କି ନାହିଁ ସେନେଇ କୌଣସି ନିଷ୍ପତ୍ତି ନିଆଯାଇ ନାହିଁ ।
