ରଥଯାତ୍ରା ପରେ ୫୦୦ ପୋଲିସ୍ ଅଧିକାରୀଙ୍କର ହେଲା କୋଭିଡ ଟେଷ୍ଟ
ପୁରୀ: କରୋନା କଟକଣା ଭିତରେ ହେଲା ରଥଯାତ୍ରା । ନିଳାଦ୍ରୀନାଥ ଜଗନ୍ନାଥଙ୍କ ସହ ବଡ଼ଭାଇ ବଳଭଦ୍ର ଏବଂ ଭଉଣୀ ଶୁଭଦ୍ରା ଯାଇ ପହଞ୍ଚିଛନ୍ତି ସରଧାବାଲିରେ । ସନ୍ଧ୍ୟାରେ ଆଡ଼ପ ମଣ୍ଡପକୁ ବିଜେ ହେବେ ଚତୁର୍ଦ୍ଧା ମୂରତ୍ତି । ତେବେ ଓଡ଼ିଶାରେ କରୋନା ସ୍ଥିତି ଭଲ ଥିବାରୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ରଥଯାତ୍ରା ହୋଇଛି । କୋଭିଡ ୧୯ ନିୟମକୁ ବଳବତର ରଖି ସବୁ କାର୍ଯ୍ୟ ସମ୍ପାଦନ ହୋଇଛି ।
ରଥଯାତ୍ରା ପରେ ଆରମ୍ଭ ହୋଇଛି କରୋନା ଟେଷ୍ଟ । ପୁରୀରେ ପୋଲିସ କର୍ମଚାରୀଙ୍କର ହେଉଛି କରୋନା ଟେଷ୍ଟ । ଯେଉଁ ମାନେ ରଥ ଟଣା କାର୍ଯ୍ୟରେ ଲିପ୍ତ ଥିଲେ ସେମାନଙ୍କର କରୋନା ଟେଷ୍ଟ ହେଉଛି । ପ୍ରାଥମିକ ପର୍ଯ୍ୟାୟରେ ରଥଯାତ୍ରାରେ ନିୟୋଜିତ ଥିବା ୫ଶହ ପୋଲିସଙ୍କ କରୋନା ଟେଷ୍ଟ ହୋଇଛି ।
ଗୋପବନ୍ଧୁ ଆୟୁର୍ବେଦ ମହାବିଦ୍ୟାଳୟର କୋଭିଡ୍ ହେଲ୍ଥ ସେଣ୍ଟରରେ ପୋଲିସଙ୍କ କରୋନା ଟେଷ୍ଟ ହୋଇଛି । ଆଗାମୀ ଦିନରେ ସବୁ କର୍ମଚାରୀଙ୍କ ନମୁନା ପରୀକ୍ଷା ହେବ । ଏନେଇ ପୂର୍ବରୁ ପୁରୀ ଏସ୍ପି ଉମାଶଙ୍କର ଦାଶଙ୍କ ସୂଚନା ଦେଇଥିଲେ ।
