ଦେଶରେ ୧୮ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା… ଦିନକରେ ଆଉ ୫୨ ହଜାର ପଜିଟିଭ, ୮୦୩ ମୃତ

ନୂଆଦିଲ୍ଲୀ: ଦେଶରେ ହୁହୁ ହୋଇ ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା   । ଗତ ୨୪ ଘଣ୍ଟାର ସଂକ୍ରମିତ ସଂଖ୍ୟାରେ ଭାରତ  ୧୦ ଟି ଦେଶ ମଧ୍ୟରୁ ସବୁଠାରୁ ଆଗରେ ରହିଛି  । ୧୮ଲକ୍ଷ ଟପିଲାଣି ସଂକ୍ରମିତଙ୍କ ସଂଖ୍ୟା । ଆଜି ଗୋଟିଏ ଦିନରେ ୫୨ହଜାର ୫୦ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୮୦୩ଜଣଙ୍କର ମୃତ୍ୟୁ ହୋଇଛି । ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୧୮ଲକ୍ଷ ୫୫ହଜାର ୭୪୬ ଥିବା ବେଳେ ଆକ୍ଟିଭ୍ କେସ୍ ରହିଛି ୫ଲକ୍ଷ ୮୬ହଜାର ୨୯୮ । ଦେଶରେ ୧୨ଲକ୍ଷ ୩୦ହଜାର ୫୧୦ ସୁସ୍ଥ ହେଲେଣି । ୩୮ହଜାର ୯୩୮ଜଣଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି ।

ମହାରାଷ୍ଟ୍ରରେ ୪ଲକ୍ଷ ଟପିଲାଣି କରୋନା ସଂକ୍ରମିତଙ୍କ ସଂଖ୍ୟା । ୧୫ହଜାର ୮୪୨ଜଣଙ୍କ ମୃତ୍ୟୁ ହେଲାଣି । ତାମିଲନାଡୁରେ ୨ଲକ୍ଷ ୬୩ହଜାର ୨୨୨ଜଣ କରୋନା ସଂକ୍ରମିତ ହୋଇଥିବା ବେଳେ ୪ହଜାର ୨୪୧ଜଣଙ୍କ ମୃତ୍ୟୁ ହୋଇଛି । ଆନ୍ଧ୍ରପ୍ରଦେଶ , କର୍ଣ୍ଣାଟକ ଓ ଦିଲ୍ଲୀରେ ଲକ୍ଷେ ଟପିଲାଣି କରୋନା ସଂକ୍ରମିତଙ୍କ ସଂଖ୍ୟା । ଆନ୍ଦ୍ରପ୍ରଦେଶରେ ୧୫ଶହ୩୭, କର୍ଣ୍ଣାଟକରେ ୨୫ଶହ୯୪, ଦିଲ୍ଲାରେ ୪ହଜାର ୨୧ଜଣଙ୍କ ମୃତ୍ୟୁ ହୋଇଛି । ୟୁପିରେ ଲକ୍ଷେ ପାଖାପାଖି ଅର୍ଥାତ୍ ୯୭ହଜାର ୩୬୨ଜଣ ସଂକ୍ରମିତ ହୋଇଥିବା ବେଲେ ୧୭ଶହ ୭୮ଜଣଙ୍କ ମୃତ୍ୟୁ ହୋଲାଣି ।