ସ୍ଥାନୀୟ ପ୍ରଶାସନକୁ ଅମାନିଆଙ୍କ ବାରମ୍ବାର ଚ୍ୟାଲେଞ୍ଜ, ମେଲୋଡି ପରେ ଏବେ ଭସାଣୀ ଶୋଭାଯାତ୍ରା

ଜଳେଶ୍ୱର: ରାଜ୍ୟରେ ଏବେ ବେଲଗାମ କରୋନା ସଂକ୍ରମଣ । ପ୍ରତିଦିନ ହୁହୁ ହୋଇ ବଢ଼ୁଛି କରୋନା ସଂକ୍ରମିତଙ୍କ ସଂଖ୍ୟା । ତେବେ କରୋନକୁ ପ୍ରତିହତ କରିବା ପାଇଁ ସରକାର ବିଭିନ୍ନ କଡ଼ା ପଦକ୍ଷେକ ନେଉଛନ୍ତି । କରୋନା କଟକଣାକୁ ଭାଙ୍ଗିଲେ ସେମାନଙ୍କୁ ଦଣ୍ଡ ମଧ୍ୟ ଦିଆଯାଉଛି । କିନ୍ତୁ ସୁଧୁରୁ ନାହାନ୍ତି ଅମାନିଆ । ସେ ତାଙ୍କ କାର୍ଯ୍ୟରେ ବିଲକୁଲ ବି ହେଳା କରୁନାହାନ୍ତି । ବାରମ୍ବାର କରୋନା କଟକଣାକୁ ଭାଙ୍ଗିବାରେ ବ୍ୟସ୍ତ । ମେଲୋଡ଼ି ପରେ ଏବେ ଭସାଣୀ ସୋଭାଯାତ୍ରା କଲେ ଅମାନିଆ । ବ୍ରାସବ୍ୟାଣ୍ଡ ବଜାଇଲେ ଏବଂ ନିର୍ଧୁମ ନାଚିଲେ । ଏଭଳି ଏକ ଘଟଣା ଦେଖିବାକୁ ମିଳିଛି ବାଲେଶ୍ୱର ବାଲିଆପାଳ ବ୍ଲକରେ । କୋରାନା ସଂକଟରେ ବାଲେଶ୍ୱର ବାଲିଆପାଳ ବ୍ଲକରେ ଜମିଲା ଭସାଣୀ ଶୋଭାଯାତ୍ରା । ଡିଜେ ଗୀତରେ ଚାଲିଥିଲା ନାଚଗୀତର ଆସର ।

ମାସ୍କ ପିନ୍ଧିବା ହେଉ ଅବା ସାମାଜିକ ଦୂରତା ରକ୍ଷା କିଛିବି ମାନି ନଥିଲେ ଅମାନିଆ । ଖୁଲମଖୁଲା ରାସ୍ତା ଉପରେ ଚାଲିଥିଲା କୋଭିଡ ନିୟମର ଉଲଂଘନ । ଚୋଉମୁଖ ପଞ୍ଚାୟତର ଟାୱାର ଛକ ନିକଟରେ ଚାଲିଥିଲା ଏମିତି ରଙ୍ଗାରଙ୍ଗ କାର୍ଯ୍ୟକ୍ରମ । ଏନେଇ ପ୍ରଶାସନ ପାଖରେ ଖବର ନଥିବା ବେଳେ, ସବୁ ଜାଣିଶୁଣି ପୋଲିସ ଚୁପ ରହିଥିବା ଅଭିଯୋଗ ହୋଇଛି । ଲାଗୁଛି ଯେମିତି ସ୍ଥାନୀୟ ପ୍ରଶାସନକୁ ଚ୍ୟାଲେଞ୍ଜ ଦେଉଛନ୍ତି ଅମାନୀଆ । କାରଣ ବିଶ୍ୱକର୍ମା ପୂଜାରେ ମେଲୋଡ଼ି ପରେ ଏବେ ଭସାଣୀ । ଗୋଟିଏ ପରେ ଗୋଟିଏ କଟକଣାକୁ ଉଲଙ୍ଘନ କରୁଛନ୍ତି ଏମାନେ ।