ଭଲ ଖବର : ପ୍ରସ୍ତୁତ ହେଲା କରୋନା ଟୀକା,ବଢୁଛି ଭାଇରସ ପ୍ରତିରୋଧକ କ୍ଷମତା

କରେନା ଭାଇରସର ଟୀକାକୁ ନେଇ ପୂରା ଦୁନିଆରେ ଅନୁସନ୍ଧାନ ଜାରି ରହିଛି । ଭିନ୍ନ ଭିନ୍ନ ଦେଶ ଏହି ଟୀକା ତିଆରି କରୁଥିବା ସ୍ପଷ୍ଟ ମଧ୍ୟ କରିଛନ୍ତି । ଏହା ମଧ୍ୟରେ ଆମେରିକାର ବୈଜ୍ଞାନିକମାନେ ସବୁଠୁ ଭଲ ଟୀକା ତିଆରି କରିଷନ୍ତି ଯାହା କରୋନା ଭାଇରସର ମୁକାବିଲା କରିବାର ସଠିକ କ୍ଷମତା ରହିବ ବୋଲି ସେ କହିଛନ୍ତି ।

ପୂରା ଦୁନିଆରେ ବୈଜ୍ଞାନିକ ଏହି ଘାତକ ରୋଗର ଔଷଧ ତିଆରୀ କରିବାରେ ଜୋରସୋରରେ ପ୍ରୟାସ କରୁଛନ୍ତି । କରୋନା ଭାରସ ପାଇଁ ବର୍ତ୍ତମାନ ସୁଧା ୪୭ ହଜାରରୁ ଅଧିକ ଲୋକଙ୍କ ଜୀବନ ଗଲାଣି । ତେଣୁ ବୈଜ୍ଞାନିକମାନଙ୍କ ପାଇଁ ଶୀଘ୍ର ଟୀକା ପ୍ରସ୍ତୁତ କରିବା ଏକ ଚ୍ୟାଲେଞ୍ଜ ।

ୟୁନିଭର୍ସିଟି ଅଫ୍ ପିଟ୍ସବର୍ଗ ସ୍କୁଲ ଅଫ୍ ମେଡିସିନର ବୈଜ୍ଞାନିକ କହିଛନ୍ତି ଯେ ଅନ୍ୟ ଦେଶମାନଙ୍କ ତୁଳନାରେ ସେମାନେ ବହୁତ୍ ଜଲଦି କୋଭିଡ୍-୧୯ର ଟୀକା ପ୍ରସ୍ତୁତ କରିଛନ୍ତି । ଏହି ବୈଜ୍ଞାନିକମାନେ ଯେଉଁ ଟୀକା ତିଆରି କରିଛନ୍ତି ସେଥିପାଇଁ ଏମାନେ SARS ଏବଂ MERS ର କରୋନା ଭାଇରସର ଆଧାରରେ ତିଆରି କରାଯାଇଛି ।

ପିଟ୍ସବର୍ଗ ସ୍କୁଲ ଅଫ୍ ମେଡିସିନ୍‌ର ଆସୋସିଏଟ୍ କହିଛନ୍ତି ଯେ ଏହି SARS ଏବଂ MERCର ଭାଇରସର ନୂଆ କରୋନା ଭାଇରସ କୋଭିଡ -19 ସହିତ ବହୁତ ସମାନତା ରହିଛି । ଏଥିରୁ ଆମକୁ ଜାଣିବାକୁ ପଡିବ ଯେ ଏହି ତିନୋଟିର ସ୍ପାଇକ୍ ପ୍ରୋଟିନ୍ (ଭୂତାଣୁର ବାହାର ଆସ୍ତରଣ) କୁ ପୃଥକ କରିବା ଅତ୍ୟନ୍ତ ଜରୁରୀ ଯାହା ଫଳରେ ମଣିଷ ଏହି ଜୀବାଣୁରୁ ମୁକ୍ତି ପାଇପାରିବ ।

ଏହାସହ ବୈଜ୍ଞାନିକ ଏହା ମଧ୍ୟ କହିଛନ୍ତି ଯେ, ଆମେ କିପରି ଭାଇରସ ସହ ଲଢେଇ କରି ତାକୁ ହରେଇବୁ । ସେଥିପାଇଁ ଆମେ ମୂଷା ଉପରେ ଟୀକା ପ୍ରୟୋଗ କଲୁ ଯାହା ସଫଳ ମଧ୍ୟ ହେଲା ।

ଏହା ସହ ଏହି ଟିକାକୁ ପିଟଗୋଭାକ୍ ନାମିତ କରାଯାଇଛି । ଏହି ଟୀକାକରଣର ପ୍ରଭାବ ହେତୁ, ମୂଷା ଶରୀରରେ ଆଣ୍ଟିବଡି ଉତ୍ପନ୍ନ ହୋଇଥିଲା ଯାହା କରୋନା ଭୂତାଣୁକୁ ରୋକିବାରେ ସାହାଯ୍ୟ କରିଥିଲା । କୋଭିଡ -19 କରୋନା ଭାଇରସ ରୋକିବା ପାଇଁ ଶରୀର ଆବଶ୍ୟକ କରୁଥିବା ଆଣ୍ଟିବାଓଟିକଗୁଡିକୁ ପିଟଗୋଭାକ ଟୀକା ପୂର୍ଣ୍ଣ କରୁଛି । ଆମେ ଶୀଘ୍ର ମଣିଷ ଉପରେ ଏହାକୁ ପରୀକ୍ଷା କରିବା ଆରମ୍ଭ କରିବୁ |

ଏହି ଟିମ୍ ଆସନ୍ତା କିଛି ମାସ ମଧ୍ୟରେ ମଣିଷ ଉପରେ ଏହି ଟିକା ପରୀକ୍ଷା ଆରମ୍ଭ କରିବ । ଏହି ଟିକା ଇଞ୍ଜେକ୍ସନ ଭଳି ନୁହେଁ | ଏହା ଏକ  ପ୍ୟାଚ୍ ଭଳି ଯାହା ଶରୀରର ଯେକୌଣସି ସ୍ଥାନରେ ଲଗାଯାଇପାରିବ ।

ଏହି ପ୍ୟାଚର ଆକୃତି ଏକ ଆଙ୍ଗୁଠିର ଟିପ ପରି  । ଏହି ପ୍ୟାଚରେ ୪୦୦ରୁ ଅଧିକ ଛୋଟ ଛୋଟ ଛୁଞ୍ଚି ଅଛି, ଯାହା ଚିନିରୁ ତିଆରି  । ଏହି ପ୍ୟାଚ୍ ମାଧ୍ୟମରେ ଏଥିରେ ଥିବା ଔଷଧ ଶରୀର ଭିତରକୁ ପ୍ରବେଶ କରିବ । ଟୀକା ଦେବାର ଏହି ପଦ୍ଧତି ମଧ୍ୟ ବହୁତ ନୂଆ ଏବଂ ପ୍ରଭାବଶାଳୀ |

ତେବେ ଏହି ଆଣ୍ଟିବାଓଟିକର ପ୍ରଭାବ କେତେ ଦିନ ପର୍ଯ୍ୟନ୍ତ ମୂଷାଙ୍କ ଶରୀରରେ ରହିବ ତାହା ବୈଜ୍ଞାନିକମାନେ ସ୍ପଷ୍ଟ କରି ନାହାଁନ୍ତି। କିନ୍ତୁ ଏମାନେ କହିଛନ୍ତି ଯେ ଗତ ବର୍ଷ ସେମାନେ ଭୂତାଣୁ ପାଇଁ ଟିକା ତିଆରି କରିଥିଲେ ଯାହା ବହୁତ ସଫଳ ହୋଇଥିଲା।